കൊല്ലം: പത്തനാപുരം ഗാന്ധിഭവന്റെ നേതൃത്വത്തിൽ ജീവകാരുണ്യത്തോടൊപ്പം സാംസ്‌കാരിക പദ്ധതികളും സംഘടിപ്പിക്കുന്നതിന്റെ ഭാഗമായി നല്ല സിനിമാസംസ്‌കാരം വളർത്തിയെടുക്കുക എന്ന ലക്ഷ്യത്തോടെ ഗാന്ധിഭവൻ റൂറൽ ഫിലിം ഇൻസ്റ്റിറ്റ്യൂട്ട് (ഗാർഫി) ആരംഭിക്കുന്നു. 24 ന് 10.30 ന് കൊല്ലം പ്രസ് ക്ലബ് ഹാളിൽ നടക്കുന്ന സമ്മേളനത്തിൽ ഗാർഫി യുടെ ഉദ്ഘാടനം ചലച്ചിത്ര അക്കാദമി ചെയർമാനും സംവിധായകനുമായ രഞ്ജിത്ത് നിർവഹിക്കും. ഗാന്ധിഭവൻ സെക്രട്ടറിയും ഗാർഫി രക്ഷാധികാരിയുമായ ഡോ. പുനലൂർ സോമരാജൻ അദ്ധ്യക്ഷനാകുന്ന ചടങ്ങിൽ ഗാന്ധിഭവൻ ഫിലിം സൊസൈറ്റിയുടെ ഉദ്ഘാടനം സംവിധായകനും നിരൂപകനുമായ വിജയകൃഷ്ണനും ലോഗോ പ്രകാശനം സംവിധായകൻ ആർ. ശരത്തും ഗാർഫിയുടെ ഒരു വർഷത്തെ പദ്ധതികളുടെ പ്രകാശനം ചലച്ചിത്ര അക്കാദമി സെക്രട്ടറി അജോയ് ചന്ദ്രനും നിർവ്വഹിക്കും. ഡോ.റിജി ജി. നായർ, ഗാർഫി ചെയർമാൻ പി.എസ്.അമൽരാജ്, ജനറൽ സെക്രട്ടറി പല്ലിശ്ശേരി എന്നിവർ സംസാരിക്കും.