കൊട്ടാരക്കര: എസ്.എൻ.ഡി.പി യോഗം കൊട്ടാരക്കര യൂണിയന്റെ കീഴിലുള്ള മാവടി ശാഖയിലെ ഗുരുപ്രസാദം കുടുംബയൂണിറ്റ് (മൈക്രോ സംഘം) അംഗങ്ങൾക്കായി വായ്പ വിതരണം ചെയ്തു. കൊട്ടാരക്കര താലൂക്ക് മൈക്രോ യൂണിറ്റ് സോഷ്യൽ വെൽഫെയർ സഹകരണ സംഘത്തിൽ നിന്നാണ് വായ്പ അനുവദിച്ചത്. സംഘം ഓഫീസിൽ നടന്ന ചടങ്ങിൽ കൊട്ടാരക്കര യൂണിയന്റെയും സഹകരണസംഘത്തിന്റെയും പ്രസിഡന്റായ സതീഷ് സത്യപാലൻ വായ്പ വിതരണോദ്ഘാടനം നിർവഹിച്ചു. ബോർഡ് മെമ്പർമാരായ അഡ്വ.എൻ.രവീന്ദ്രൻ, ആർ.വി.ഹരിലാൽ, സെക്രട്ടറി ജി.ആത്മജ എന്നിവർ സംസാരിച്ചു. യൂണിറ്റ് കൺവീനർ പി.ആർ.അനുജയും ജോ.കൺവീനർ അനിതകുമാരിയും ചേർന്ന് വായ്പാ തുക ഏറ്റുവാങ്ങി. താലൂക്കിലെ വിവിധ ശാഖകളിലെ മൈക്രോ യൂണിറ്റുകൾക്കായി ഈ മാസം 47 ലക്ഷം രൂപ വായ്പ നൽകുന്നതായി യൂണിയൻ പ്രസിഡന്റ് സതീഷ് സത്യപാലൻ അറിയിച്ചു.