അഞ്ചൽ: ഏരൂർ ഗ്രാമപഞ്ചായത്തിന്റെ ലൈഫ് ഭവന പദ്ധതിയുടെയും 30 ലക്ഷം രൂപ ചെലവിൽ നവീകരിച്ച ഏരൂർ മാർക്കറ്റിന്റെയും ഉദ്ഘാടനം നാളെ നടക്കും. ഉച്ചയ്ക്ക് 3 മണിക്ക് ഏരൂർ സർവീസ് സഹകരണ ബാങ്ക് ഹാളിൽ നടക്കുന്ന യോഗത്തിൽ പി.എസ്. സുപാൽ എം.എൽ.എ അദ്ധ്യക്ഷത വഹിക്കും. ഭവന പദ്ധതിയുടെയും നവീകരിച്ച മാർക്കറ്റിന്റെയും ഉദ്ഘാടനം മന്ത്രി വി. ശിവൻകുട്ടി നിർവഹിക്കും. ലൈഫ് ഭവന പദ്ധതി സാക്ഷ്യപത്രവിതരണം ജില്ലാ പഞ്ചായത്ത് പ്രസിഡന്റ് സാം കെ. ഡാനിയേൽ നിർവഹിക്കും. ആരോഗ്യ പ്രവർത്തകരെ കശുഅണ്ടി വികസന കോർപ്പറേഷൻ ചെയർമാൻ എസ്. ജയമോഹൻ ആദരിക്കും. ബ്ലോക്ക് പഞ്ചായത്ത് പ്രസിഡന്റ് രാധാരാജേന്ദ്രൻ, വൈസ് പ്രസിഡന്റ് എം. മനീഷ്, ഗ്രാമപഞ്ചായത്ത് വൈസ് പ്രസിഡന്റ് ചിന്നുവിനോദ് , ജില്ലാ പഞ്ചായത്ത് മെമ്പർമാരായ ഡോ. കെ. ഷാജി, സി.അംബികാകുമാരി , സ്റ്റാൻഡിംഗ് കമ്മിറ്റി ചെയർമാൻമാരായ ജി. അജിത്ത്, ഷൈൻ ബാബു, വി.രാജി , വിവിധ കക്ഷിനേതാക്കാളായ ഡി. വിശ്വസേനൻ, എസ്. സന്തോഷ്, പി.ബി. വേണുഗോപാൽ, ഉമേഷ് ബാബു, ദുനൂബ് കുട്ടി, ബ്ലോക്ക് ഗ്രാമപഞ്ചായത്ത് അംഗങ്ങളായ ഓമന മുരളി, സന്ധ്യാബിനു, പ്രസന്നാ ഗണേഷ്, ഡോൺ വി. രാജ്, ഏരൂർ സർവീസ് സഹകരണ ബാങ്ക് പ്രസിഡന്റ് തുമ്പോട് ഭാസി തുടങ്ങിയവർ സംസാരിക്കും. ഗ്രാമപഞ്ചായത്ത് പ്രസിഡന്റ് ടി. അജയൻ സ്വാഗതവും സെക്രട്ടറി എ. നൗഷാദ് നന്ദിയും പറയും.