തൃശൂർ : വേനൽ കടുക്കുമ്പോൾ വീടുകളിൽ ഉഗ്രവിഷമുള്ള പാമ്പുകളെത്താമെന്ന് വനം വകുപ്പ്. പ്രജനന സമയത്തും, ചൂട് കൂടുതലുള്ള സമയത്തും പാമ്പുകളെ ധാരാളമായി വീടുകളുടെ ചുറ്റുപാടുകളിൽ കാണാൻ സാദ്ധ്യതയേറെയാണ്. അത്തരം സാഹചര്യങ്ങളിൽ വീടിനകത്തോ പെരുമാറുന്ന ഇടങ്ങളിലോ അവയെ കണ്ടാൽ വനം വകുപ്പിനെ അറിയിക്കണം. കുരങ്ങൻ, മരപ്പട്ടി, ഉടുമ്പ് എന്നിവയെ കണ്ടാലും വനം വകുപ്പിനെ അറിയിക്കണം. വനം വകുപ്പിന്റെ അംഗീകൃത റെസ്‌ക്യൂവർമാരല്ലാതെ മറ്റാർക്കും പാമ്പുകളെ പിടികൂടാനോ കൊണ്ടുപോകാനോ അനുവാദമില്ല. ചൂട് കൂടുതലുള്ള സമയങ്ങളിൽ പാമ്പുകളുടെ ശരീരത്തിലെ ജലാംശം കുറഞ്ഞുപോകുന്നതിനാൽ വിഷത്തിന്റെ വീര്യം കൂടാനുള്ള സാദ്ധ്യതയേറെയാണെന്നും ഡോക്ടർമാർ പറയുന്നു. വീടുകൾക്ക് ചുറ്റും മതിലുകളും മറ്റുമായി ആവാസ വ്യവസ്ഥയിൽ മാറ്റങ്ങൾ വന്നതോടെ വീര്യം കൂടുമെന്നും കടിച്ചാൽ കൂടുതൽ വിഷം ശരീരത്തിൽ കയറുമെന്നും ചൂണ്ടിക്കാണിക്കുന്നു. വാവ സുരേഷിന് മൂർഖന്റെ കടിയേറ്റതോടെയാണ് പാമ്പ് പിടുത്തം സംബന്ധിച്ച് വനം വകുപ്പ് നടപടികൾ കർശനമാക്കിയത്.

അനുമതിയില്ലെങ്കിൽ തടവ്

വനംവകുപ്പിന്റെ സർട്ടിഫിക്കറ്റില്ലാത്തവർ പാമ്പിനെ പിടിക്കുന്നത് വന്യജീവി സംരക്ഷണനിയമപ്രകാരം കുറ്റകൃത്യമാണ്. വനംവകുപ്പിന്റെ അംഗീകാരമില്ലാത്തവർ പാമ്പിനെ പിടിക്കരുത്. ചേര, നീർക്കോലി, രാജവെമ്പാല, ചേനത്തണ്ടൻ, അണലി, മൂർഖൻ തുടങ്ങിയ പാമ്പുകളെ അംഗീകാരമില്ലാത്തവർ പിടിക്കുന്നത് മൂന്നു മുതൽ ഏഴുവരെ വർഷം തടവുശിക്ഷ ലഭിക്കാവുന്ന കുറ്റമാണ്.

വിളിപ്പുറത്തുണ്ട് ഇവർ

പാമ്പിനെ പിടിക്കാൻ അംഗീകാരമുള്ള 80ലേറെ പേർ തൃശൂർ വനവത്ക്കരണ വിഭാഗത്തിന് കീഴിലുണ്ടെങ്കിലും അറുപതോളം പേരാണ് സജീവമായിട്ടുള്ളത്. ഇതിൽ വനം വകുപ്പിലെ ജീവനക്കാർക്ക് പുറമേ വനം വകുപ്പിന് കീഴിൽ പാമ്പുകളെ പിടിക്കാൻ പ്രത്യേക പരിശീലനം നേടിയ 20 ലേറെ വളണ്ടിയർമാരുമുണ്ട്. ജീവനക്കാർക്ക് ജോലി സംബന്ധമായ മാറ്റങ്ങളും മറ്റ് ജോലികളുമുള്ളതിനാൽ ഒരേ സ്ഥലങ്ങളിൽ ഉണ്ടാകാറില്ല. അതുകൊണ്ട് പരിശീലനം നേടിയ വളണ്ടിയർമാരാണ് കൂടുതലും രംഗത്തുള്ളത്.

പാ​മ്പ് ​ക​ടി​യേ​റ്റാ​ൽ​ ​ചി​കി​ത്സാ​ ​സ​ഹാ​യം

പാ​മ്പ് ​ക​ടി​യേ​റ്റാ​ൽ​ ​ആ​വ​ശ്യ​മാ​യ​ ​ചി​കി​ത്സ​യ്ക്ക് 75,000​ ​രൂ​പ​ ​വ​രെ​ ​വ​നം​ ​വ​കു​പ്പി​ൽ​ ​നി​ന്നും​ ​സ​ഹാ​യം​ ​ല​ഭി​ക്കും.​ ​ഇ​തി​നാ​യി​ ​ആ​ശു​പ​ത്രി​ ​ചെ​ല​വു​മാ​യി​ ​ബ​ന്ധ​പ്പെ​ട്ട​ ​ബി​ല്ലും​ ​രേ​ഖ​ക​ളും​ ​സ​ഹി​തം​ ​അ​ക്ഷ​യ​ ​കേ​ന്ദ്രം​ ​വ​ഴി​ ​അ​പേ​ക്ഷി​ക്ക​ണം.​ ​സ്ഥാ​യി​യാ​യ​ ​അം​ഗ​വൈ​ക​ല്യം​ ​സം​ഭ​വി​ച്ചാ​ൽ​ ​ര​ണ്ട് ​ല​ക്ഷം​ ​രൂ​പ​ ​വ​രെ​ ​ന​ഷ്ട​പ​രി​ഹാ​രം​ ​അ​നു​വ​ദി​ക്കും.​ ​ചി​കി​ത്സ​ ​ന​ട​ത്തി​യ​ ​ര​ജി​സ്റ്റേ​ർ​ഡ് ​മെ​ഡി​ക്ക​ൽ​ ​ഓ​ഫീ​സ​ർ​ ​സാ​ക്ഷ്യ​പ്പെ​ടു​ത്തി​യ​ ​ബി​ല്ലു​ക​ൾ​ ​സ​ഹി​ത​മാ​ണ് ​അ​പേ​ക്ഷി​ക്കേ​ണ്ട​ത്. അ​പേ​ക്ഷ​ ​സ​മ​ർ​പ്പി​ക്കു​ന്ന​ ​തീ​യ​തി​ ​വ​രെ​ ​ഉ​ള്ള​ ​ബി​ല്ലു​ക​ൾ,​ ​ആ​ശു​പ​ത്രി​യി​ൽ​ ​പോ​കാ​ൻ​ ​ഉ​പ​യോ​ഗി​ച്ച​ ​വ​ണ്ടി​യു​ടെ​ ​ട്രി​പ്പ് ​ഷീ​റ്റ് ​എ​ന്നി​വ​യും​ ​പ​രി​ക്കേ​റ്റ​യാ​ളു​ടെ​ ​ആ​ധാ​ർ​ ​കാ​ർ​ഡ്,​ ​ബാ​ങ്ക് ​പാ​സ് ​ബു​ക്ക് ​ആ​ദ്യ​ ​പേ​ജ്,​ ​ആ​ശു​പ​ത്രി​ ​രേ​ഖ​ക​ൾ,​ ​പാ​മ്പ് ​ക​ടി​ച്ച​താ​ണെ​ന്നു​ള്ള​ ​ഡോ​ക്ട​റു​ടെ​ ​സ​ർ​ട്ടി​ഫി​ക്ക​റ്റ് ​എ​ന്നി​വ​ ​ഉ​ൾ​പ്പെ​ടെ​ ​അ​പേ​ക്ഷി​ക്ക​ണം.​ ​​പ​ട്ടി​ക​ ​വ​ർ​ഗ​ത്തി​ൽ​പെ​ട്ട​വ​രാ​ണെങ്കി​ൽ​ ​വി​ശ്ര​മ​ ​ദി​വ​സ​ങ്ങ​ൾ​ക്കു​ള്ള​ ​തൊ​ഴി​ൽ​ ​ദി​ന​ ​ന​ഷ്ട​പ​രി​ഹാ​ര​വും​ ​ല​ഭി​ക്കും.​ ​​മ​ര​ണ​പ്പെ​ട്ട​വ​രു​ടെ​ ​ആ​ശ്രി​ത​ർ​ക്ക് ​സ​മാ​ശ്വാ​സ​ ​ധ​ന​സ​ഹാ​യം​ ​ര​ണ്ട് ​ല​ക്ഷം​ ​രൂ​പ​ ​വ​രേ​യും​ ​ല​ഭി​ക്കും.

ഇവരെ വിളിക്കാം

തൃശൂർ വനവത്കരണ വിഭാഗത്തിന് കീഴിലുള്ള വളണ്ടിയർമാർ

ജോജു (ജില്ലാ കോർഡിനേറ്റർ) : 9745547906
തൃശൂർ വനവത്കരണ വിഭാഗം ഫോൺ നമ്പർ 04872422946

വീടുകളിലും മറ്റും പാമ്പുകളെ കണ്ടാൽ സ്വയം പിടിക്കാതെ വനം വകുപ്പ് ജീവനക്കാരെയോ വളണ്ടിയർമാരെയോ വിവരം അറിയിക്കണം.

ബി.സജീഷ് കുമാർ

ഡെപ്യുട്ടി ഫോറസ്റ്റ് കൺസർവേറ്റർ തൃശൂർ