തൃശൂർ: അതിരപ്പിള്ളി കണ്ണൻകുഴിയിൽ അഞ്ചുവയസുകാരി കാട്ടാന ആക്രമണത്തിൽ കൊല്ലപ്പെട്ട സംഭവത്തിൽ ശാശ്വത പരിഹാരം കാണുമെന്ന് കളക്ടർ ഹരിത വി. കുമാർ. സംഭവത്തിന് പിന്നാലെ രോഷാകുലരായ മുന്നൂറോളം പേരടങ്ങുന്ന നാട്ടുകാർ അരൂർമുഴിയിൽ റോഡ് ഉപരോധിച്ചത് കളക്ടറുടെ ഇടപെടലിൽ അവസാനിപ്പിച്ചു.

ഇന്നലെ രാവിലെ ഏഴരയോടെ ആരംഭിച്ച വഴിതടയൽ ഉച്ചയ്ക്ക് രണ്ടോടെ കളക്ടർ ഹരിത വി. കുമാർ സ്ഥലത്തെത്തി ഇടപെട്ടതോടെ പിൻവലിച്ചു.

സംസ്ഥാന സർക്കാർ എല്ലാ സഹായ സഹകരണങ്ങളും വാഗ്ദാനം ചെയ്തിട്ടുണ്ടെന്നും. മന്ത്രിമാർ നേരിട്ടെത്തി സ്ഥിതിഗതികൾ വിലയിരുത്തുമെന്നും കളക്ടർ പറഞ്ഞു. മൃതദേഹം കൊണ്ടുപോകാൻ വഴി ഒരുക്കണമെന്നും റോഡ് ഉപരോധം അവസാനിപ്പിക്കണമെന്നും കളക്ടർ നാട്ടുകാരോട് ആവശ്യപ്പെട്ടു. കളക്ടറുടെ ഉറപ്പിലാണ് നാട്ടുകാർ പ്രതിഷേധം അവസാനിപ്പിച്ചത്. നേരത്തെ നടന്ന സർവകക്ഷി യോഗ തീരുമാനങ്ങൾ എം.എൽ.എ ടി.ജെ.സനീഷ്‌കുമാർ നാട്ടുകാരെ അറിയിച്ചെങ്കിലും അവർ ചെവി കൊണ്ടില്ല. തുടർന്ന് കളക്ടർ നേരിട്ടെത്തുകയായിരുന്നു. വന്യമൃഗങ്ങൾ ജനവാസകേന്ദ്രങ്ങളിൽ എത്താതിരിക്കാൻ റെയിൽ ഫെൻസിംഗ് സ്ഥാപിക്കൽ, വനപാലകരുടെ കർശന റോന്തു ചുറ്റൽ എന്നിവയുണ്ടാകുമെന്നും കളക്ടർ വ്യക്തമാക്കി.

ആ​ഗ്ന​മി​യ​യു​ടെ​ ​കു​ടും​ബ​ത്തി​ന് ​ന​ഷ്ട​പ​രി​ഹാ​രം
ന​ൽ​ക​ണം​:​ ​ബെ​ന്നി​ ​ബെ​ഹ​ന്നാൻ

ചാ​ല​ക്കു​ടി​:​ ​അ​തി​ര​പ്പ​ള്ളി​യി​ൽ​ ​കാ​ട്ടാ​ന​യു​ടെ​ ​ച​വി​ട്ടേ​റ്റ് ​മ​രി​ച്ച​ ​ആ​ഗ്ന​മി​യ​യു​ടെ​ ​കു​ടും​ബ​ത്തി​ന് ​കേ​ന്ദ്ര​സം​സ്ഥാ​ന​ ​സ​ർ​ക്കാ​രു​ക​ൾ​ ​ധ​ന​സ​ഹാ​യം​ ​പ്ര​ഖ്യാ​പി​ക്ക​ണ​മെ​ന്ന് ​ബെ​ന്നി​ ​ബ​ഹ​നാ​ൻ​ ​എം.​പി​ ​ലോ​ക്‌​സ​ഭ​യി​ൽ​ ​ആ​വ​ശ്യ​പ്പെ​ട്ടു.​ ​കാ​ട്ടാ​ന​യു​ടെ​ ​ആ​ക്ര​മ​ണ​ത്തി​ൽ​ ​പെ​ൺ​കു​ട്ടി​യു​ടെ​ ​അ​ച്ഛ​നും​ ​മു​ത്ത​ച്ഛ​നും​ ​പ​രി​ക്കു​ക​ളോ​ടെ​ ​അ​ത്ഭു​ത​ക​ര​മാ​യാ​ണ് ​ര​ക്ഷ​പ്പെ​ട്ട​ത്.​ ​മ​നു​ഷ്യ​ജീ​വ​നും,​ ​സ്വ​ത്തി​നും​ ​നാ​ശം​ ​വ​രു​ത്തു​ന്ന​ ​വ​ന്യ​മൃ​ഗ​ശ​ല്യം​ ​കേ​ര​ള​ത്തി​ൽ​ ​ദി​നം​പ്ര​തി​ ​വ​ർ​ദ്ധി​ച്ചു​വ​രി​ക​യാ​ണെ​ന്ന് ​എം.​പി​ ​സ​ഭ​യെ​ ​അ​റി​യി​ച്ചു.​ ​പ്ര​ദേ​ശ​ത്തെ​ ​ജ​ന​ങ്ങ​ളു​ടെ​യും,​ ​യാ​ത്ര​ക്കാ​രു​ടെ​യും​ ​ജീ​വ​നും​ ​സ്വ​ത്തി​നും​ ​സം​ര​ക്ഷ​ണം​ ​ന​ൽ​കാ​ൻ​ ​കേ​ന്ദ്ര​ ​സം​സ്ഥാ​ന​ ​സ​ർ​ക്കാ​രു​ക​ളു​ടെ​ ​അ​ടി​യ​ന്ത​ര​ ​ഇ​ട​പെ​ട​ൽ​ ​അ​നി​വാ​ര്യ​മാ​ണെ​ന്നും​ ​അ​ദ്ദേ​ഹം​ ​പ​റ​ഞ്ഞു.