തൃപ്രയാർ: നാട്ടിക നിയോജക മണ്ഡലത്തിലെ റോഡുകളുടെ പുനരുദ്ധാരണ പ്രവ്യത്തികൾക്ക് ദുരന്തനിവാരണ വകുപ്പിൽ നിന്ന് ഒരു കോടി രൂപ അനുവദിച്ചതായി സി.സി. മുകുന്ദൻ എം.എൽ.എ അറിയിച്ചു. പത്തു റോഡുകളുടെ പുനരുദ്ധാരണ പ്രവർത്തനമാണ് നടക്കുക. താന്ന്യം പഞ്ചായത്തിലെ വന്നേരിമാട് റോഡിന് 10 ലക്ഷം, ചാഴൂർ പഞ്ചായത്തിലെ കടൂപ്പാടംപുളിക്കൻ കടവ് റോഡ് 10 ലക്ഷം, അന്തിക്കാട് മാർക്കറ്റ് റോഡ് 10 ലക്ഷം, ചേർപ്പ് പഞ്ചായത്ത് ജയന്തി റോഡ് 10 ലക്ഷം, പാറളം പഞ്ചായത്തിലെ മഹാത്മാ റോഡ് 10 ലക്ഷം, അവിണിശ്ശേരി പഞ്ചായത്തിലെ ജവഹർ റോഡ് 10 ലക്ഷം, നാട്ടിക പഞ്ചായത്തിലെ തൃപ്രയാർ റോഡ് 10 ലക്ഷം, തളിക്കുളം പഞ്ചായത്തിലെ കൊപ്രക്കളം പടിഞ്ഞാറ് എരണേഴത്ത് ക്ഷേത്രത്തിലേക്കുള്ള വഴി 10 ലക്ഷം, ചാഴൂർ പഞ്ചായത്ത് വെണ്ണീറായി റോഡ് 10 ലക്ഷം എന്നിങ്ങനെയാണ് തുക അനുവദിച്ചത്.