വടക്കാഞ്ചേരി: ഉത്രാളിക്കാവ് പൂരത്തിന്റെ പങ്കാളികളായ വടക്കാഞ്ചേരി ദേശത്തിന്റെ കാഴ്ചപ്പന്തലിന് കാൽനാട്ടി. സംസ്ഥാനപാതയിൽ പൂരക്കമ്മിറ്റി ഓഫീസിന് മുന്നിലാണ് കാഴ്ചപ്പന്തൽ ഒരുക്കുന്നത്. പത്മശ്രീ ഡോ.ടി.എ. സുന്ദർമേനോൻ കാൽനാട്ടുകർമ്മം നിർവഹിച്ചു. വടക്കാഞ്ചേരി വിഭാഗം പ്രസിഡന്റ് ടി.ജി. അശോകൻ, ജനറൽ സെക്രട്ടറി പി.എൻ.ഗോകുലൻ, ട്രഷറർ പി.എൻ. വൈശാഖ്, വർക്കിംഗ് പ്രസിഡന്റ് സതീഷ് കുമാർ, ജനറൽ കൺവീനർ സി.എ. ശങ്കരൻകുട്ടി എന്നിവർ പങ്കെടുത്തു.