ഗുരുവായൂർ: ഉത്സവം ആറാം ദിവസം ഗുരുവായൂരപ്പൻ സ്വർണ്ണക്കോലത്തിലെഴുന്നള്ളി. ശനിയാഴ്ച ഉച്ചകഴിഞ്ഞുള്ള കാഴ്ചശീവേലിയുടെ നാലാമത്തെ പ്രദക്ഷിണത്തിലാണ് സ്വർണക്കോലം എഴുന്നള്ളിച്ചത്.
മേളത്തിന്റെ അകമ്പടിയിൽ നടന്ന എഴുന്നള്ളിപ്പിൽ ദേവസ്വം ആനത്തറവാട്ടിലെ കൊമ്പൻ നന്ദൻ സ്വർണ്ണക്കോലമേറ്റി. ഉത്സവം കഴിയുന്നതുവരെ ഇനിയുള്ള ദിവസങ്ങളിൽ കാഴ്ചശീവേലിക്കും പള്ളിവേട്ട, ആറാട്ട് ദിവസങ്ങളിൽ ഗ്രാമപ്രദക്ഷിണത്തിനും സ്വർണക്കോലം എഴുന്നള്ളിക്കും. ക്ഷേത്രത്തിലെ വിശേഷ ദിവസങ്ങളായ ഉത്സവം, അഷ്ടമിരോഹിണി, ഏകാദശി എന്നീ വിശേഷ ദിവസങ്ങളിൽ മാത്രമാണ് സ്വർണ്ണക്കോലം എഴുന്നള്ളിക്കുക. പത്ത് കിലോഗ്രാം സ്വർണ്ണം ഉപയോഗിച്ച് നിർമ്മിച്ചിരിക്കുന്ന കോലത്തിന് നടുവിലായി മുരളി ഊതി നിൽക്കുന്ന ഉണ്ണിക്കൃഷ്ണനും, ചുറ്റുഭാഗത്തായി വീരശൃംഖലയും, തുറന്ന ഭാഗത്ത് മരതകപ്പച്ചയും, 191 സ്വർണ്ണപ്പൂക്കളും പതിപ്പിച്ചിട്ടുണ്ട്. സ്വർണത്തകിടിലുള്ള ദശാവതാരങ്ങളും അനന്തശയനവും സൂര്യ ചന്ദ്ര പ്രഭകളും വ്യാളീമുഖവും കോലത്തിൽ പതിച്ചിട്ടുണ്ട്. വിലയേറിയ മരതകക്കല്ലും അഞ്ച് തട്ടുള്ള സ്വർണ അലുക്കുള്ള കുടയുമാണ് മുകളിൽ.
ക്ഷേത്രത്തിലെ പ്രധാന ആഘോഷങ്ങൾക്ക് മാറ്റുകൂട്ടുന്നതാണ് സ്വർണ്ണക്കോലമെഴുന്നള്ളത്ത്. ഗുരുവായൂർ ഉത്സവത്തിലെ പ്രധാന താന്ത്രിക ചടങ്ങായ ഉത്സവബലി തിങ്കളാഴ്ച നടക്കും. പാണികൊട്ടി ഭഗവാന്റെ ഭൂതഗണങ്ങളെ വരുത്തി ബലികൊടുത്ത് തൃപ്തരാക്കുന്നു എന്ന സങ്കൽപ്പത്തിലാണ് ഉത്സവബലി. രാവിലെ പന്തീരടി പൂജയ്ക്ക് ശേഷം ചടങ്ങ് തുടങ്ങും. സങ്കീർണമായ താന്ത്രിക ചടങ്ങുകളുള്ള ഉത്സവ ബലി ക്ഷേത്രം തന്ത്രിയാണ് നിർവഹിക്കുക. കീഴ്ശാന്തിമാരും കഴകക്കാരും മാരാർമാരും പങ്കാളികളാകും.

ഗു​രു​വാ​യൂ​ർ​ ​ഉ​ത്സ​വം​:​ ​ആ​റാ​ട്ടി​ന് ​മൂ​ന്ന് ​ആ​ന​കൾ

ഗു​രു​വാ​യൂ​ർ​:​ ​ഗു​രു​വാ​യൂ​ർ​ ​ക്ഷേ​ത്രോ​ത്സ​വ​ത്തി​ന്റെ​ ​ആ​റാ​ട്ട്,​ ​പ​ള്ളി​വേ​ട്ട​ ​ദി​വ​സ​ങ്ങ​ളി​ൽ​ ​ന​ട​ക്കു​ന്ന​ ​ഗ്രാ​മ​പ്ര​ദ​ക്ഷി​ണ​ത്തി​ന് ​മൂ​ന്ന് ​ആ​ന​ക​ളെ​ ​എ​ഴു​ന്ന​ള്ളി​ക്കും.​ ​മൂ​ന്ന് ​ആ​ന​ക​ളെ​ ​പ​ങ്കെ​ടു​പ്പി​ക്കാ​നാ​ണ് ​ദേ​വ​സ്വ​ത്തി​ന് ​അ​നു​മ​തി​ ​ല​ഭി​ച്ച​ത്.​ ​ഗ്രാ​മ​പ്ര​ദ​ക്ഷി​ണ​ത്തി​ന് ​എ​ഴു​ന്ന​ള്ളി​ക്കാ​നു​ള്ള​ ​ആ​ന​ക​ളെ​ ​ദേ​വ​സ്വം​ ​വി​ദ​ഗ്ദ്ധ​ ​സ​മി​തി​ ​തീ​രു​മാ​നി​ച്ചു.

22​ന് ​പ​ള്ളി​വേ​ട്ട​ ​ദി​ന​ത്തി​ൽ​ ​ഗ്രാ​മ​പ്ര​ദ​ക്ഷി​ണ​ത്തി​ന് ​കൊ​മ്പ​ൻ​ ​ഇ​ന്ദ്ര​സെ​ൻ​ ​സ്വ​ർ​ണ്ണ​ക്കോ​ല​മെ​ഴു​ന്ന​ള്ളി​ക്കും.​ ​പ​റ്റാ​ന​ക​ളാ​യി​ ​കൊ​മ്പ​ന്മാ​രാ​യ​ ​വി​ഷ്ണു​വും​ ​ശ്രീ​ധ​ര​നും​ ​അ​ണി​നി​ര​ക്കും.​ ​ഗോ​പി​കൃ​ഷ്ണ​നും​ ​ബാ​ലു​വും​ ​ക​രു​ത​ൽ​ ​ആ​ന​ക​ളാ​കും.​ ​ഉ​ത്സ​വ​ ​സ​മാ​പ​ന​ ​ദി​വ​സ​മാ​യ​ 23​ ​ന് ​ന​ട​ക്കു​ന്ന​ ​ആ​റാ​ട്ടി​ൽ​ ​കൊ​മ്പ​ൻ​ ​ഗു​രു​വാ​യൂ​ർ​ ​ന​ന്ദ​ൻ​ ​സ്വ​ർ​ണ്ണ​ക്കോ​ലം​ ​എ​ഴു​ന്ന​ള്ളി​ക്കും.

സി​ദ്ധാ​ർ​ത്ഥ​നും​ ​ഗോ​കു​ലും​ ​പ​റ്റാ​ന​ക​ളാ​കും.​ ​ചെ​ന്താ​മ​രാ​ക്ഷ​ൻ,​ ​ദാ​മോ​ദ​ർ​ദാ​സ് ​എ​ന്നീ​ ​കൊ​മ്പ​ന്മാ​ർ​ ​ക​രു​ത​ലാ​ന​ക​ളാ​കും.​ ​പ​ള്ളി​വേ​ട്ട,​ ​ആ​റാ​ട്ട് ​ദി​വ​സ​ങ്ങ​ളി​ലെ​ ​പ്ര​ദ​ക്ഷി​ണ​ ​ഓ​ട്ട​ത്തി​ന് ​ഗ​ജ​റാ​ണി​ ​ന​ന്ദി​നി​യാ​ന​യാ​കും​ ​തി​ട​മ്പേ​റ്റു​ക.​ ​കൊ​മ്പ​ൻ​ ​ഗോ​പി​ ​ക​ണ്ണ​ൻ​ ​ക​രു​ത​ൽ​ ​ആ​ന​യാ​കും.​ ​ദേ​വ​സ്വ​ത്തി​ലെ​ ​ജീ​വ​ധ​നം​ ​വി​ദ​ഗ്ദ്ധ​സ​മി​തി​യാ​ണ് ​ആ​റാ​ട്ട്,​ ​പ​ള്ളി​വേ​ട്ട​ ​ച​ട​ങ്ങു​ക​ൾ​ക്കു​ള്ള​ ​ആ​ന​ക​ളെ​ ​നി​ശ്ച​യി​ച്ച​ത്.