തൃപ്രയാർ: ശിവയോഗിനി അമ്മയുടെ ജന്മശതാബ്ദി ആഘോഷ പരിപാടികൾക്ക് മുന്നോടിയായി വലപ്പാട് ബീച്ചിൽ കാൽനാട്ടൽ ചടങ്ങ് നടത്തി. കൊടിയമ്പുഴ ക്ഷേത്ര പരിസരത്ത് നടന്ന ചടങ്ങിൽ പെരിങ്ങോട്ടുകര ശ്രീനാരായണാശ്രമം സെക്രട്ടറി സ്വാമി പരാനന്ദ കാൽനാട്ടൽ കർമ്മം നിർവഹിച്ചു. ശരീരബോധം വെടിഞ്ഞ് തന്റെ ഉള്ളിലുള്ള ഈശ്വരീയതയെ സ്വയം അനുഭവിച്ചറിഞ്ഞ അദ്ധ്യാത്മിക ചൈതന്യമായിരുന്നു അമ്മയെന്ന് അദ്ദേഹം അഭിപ്രായപ്പെട്ടു. ആഘോഷ കമ്മിറ്റി ചെയർമാൻ സി.ആർ. പ്രസന്നൻ അദ്ധ്യക്ഷനായി. ഗ്രന്ഥകാരൻ രാജീവ് ഇരിങ്ങാലക്കുട, പി.വി. ജനാർദ്ദനൻ, കെ.ആർ. പീതാംബരൻ, കവി കെ. ദിനേശ് രാജ, കൊടിയമ്പുഴ ദേവസ്വം പ്രസിഡന്റ് നാരായണൻ, സെക്രട്ടറി രാജു, വൈസ് പ്രസിഡന്റുമാരായ മുരളി പള്ളത്ത്, മുരളി വളവത്ത്, ട്രഷറർ സദാനന്ദൻ കാരേപ്പറസിൽ തുടങ്ങിയവർ പങ്കെടുത്തു.