കാഞ്ഞാണി (തൃശൂർ): വാടാനപ്പിള്ളി സംസ്ഥാനപാതയിൽ കാരമുക്കിൽ കാനയിൽ വീണ് ഗുരുതരമായി പരിക്കേറ്റയാൾ മരിച്ചു. മണലൂർ പൊങ്ങണത്ത് മോഹനൻ (70) ആണ് ഗുരുതര പരിക്കേറ്റ് തൃശൂർ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചത്. മണലൂർ പഞ്ചായത്ത് ഓഫീസിന് സമീപത്തെ അഞ്ച് അടിയോളം താഴ്ചയുള്ള സ്ലാബില്ലാത്ത കാനയിലാണ് വീണത്. ബോധമില്ലാതെ കിടന്നിരുന്ന ഇദ്ദേഹത്തെ വീട്ടുകാരാണ് മണലൂർ പഞ്ചായത്തിന്റെ ജീപ്പിൽ ആശുപത്രിയിലെത്തിച്ചത്. തലയ്ക്ക് പിറകിൽ ചതവുണ്ടായിരുന്നു. കഴുത്തിലെയും, തണ്ടെല്ലിലെയും ഞരമ്പുകൾ പൊട്ടിയിരുന്നു. 13ന് രാത്രി എട്ടിന് കാഞ്ഞാണിയിൽ നിന്നും കാരമുക്കിലെ വാടക വീട്ടിലേക്ക് വരുന്നതിനിടയിലാണ് അപകടം. അന്തിക്കാട് പാെലീസ് കേസെടുത്തു.

ഭാര്യ: പരേതയായ നളിനി. മക്കൾ: ലതീഷ് (ഗൾഫ്), ഹനീഷ്, രമ്യ. മരുമക്കൾ: ബ്രിജേഷ് (കാമറാമാൻ, കൗമുദി ടി.വി), സൗമ്യ. സംസ്‌കാരം ഇന്ന് വീട്ടുവളപ്പിൽ.