ഏങ്ങണ്ടിയൂർ: തിരുമംഗലം ക്ഷേത്രത്തിൽ ശീവരാത്രിയോട് അനുബന്ധിച്ച് തിങ്കളാഴ്ച ഗണപതിഹോമം, ധാര, നവകം, പഞ്ചകം, പഞ്ചഗവ്യം, ശ്രീഭൂതബലി, വൈകീട്ട് മഹാദേവന് പ്രസാദ ശുദ്ധി എന്നിവ നടന്നു.

ഇന്ന് ശിവരാത്രി ദിവസം രാവിലെ നിർമ്മാല്യ ദർശനം, മഹാഗണപതി ഹോമം, നവകം, പഞ്ചഗവ്യം, ശ്രീഭൂതബലി, ശുദ്ധി, ശീവേലി എഴുന്നള്ളിപ്പ്, വൈകീട്ട് കെ. മോഹനൻ പനങ്ങാട്ടിരിയും സംഘവും അവതരിപ്പിക്കുന്ന മേളം, പഞ്ചവാദ്യം, ദീപാരാധന, ചുറ്റുവിളക്ക്, തായമ്പക, പുലർച്ചെ എഴുന്നള്ളിപ്പ് എന്നിവ നടക്കും.

ശിവരാത്രി ദിവസം രാവിലെയും വൈകീട്ടും ഏങ്ങണ്ടിയൂർ യൂണിറ്റി കോർണറിന്റെ കാവടി വരവും, വൈകീട്ട് ഏഴിന് രഹ്ന മുരളീദാസ് അവതരിപ്പിക്കുന്ന സംഗീതാർച്ചനയും ഉണ്ടാകും. ക്ഷേത്രം തന്ത്രി പഴങ്ങാംപറമ്പ് ദിവാകരൻ നമ്പൂതിരി മുഖ്യകാർമ്മികത്വം വഹിക്കും. മേൽശാന്തിയും ട്രസ്റ്റിയുമായ സജീവ് എമ്പ്രാന്തിരി നേതൃത്വം നൽകും.