തിരുവനന്തപുരം: കണ്ണൂർ സർവകലാശാലാ വൈസ്ചാൻസലറെ കണ്ടെത്താൻ നിയമിച്ച സെർച്ച് കമ്മിറ്റി പിരിച്ചുവിട്ട്, ഡോ.ഗോപിനാഥ് രവീന്ദ്രന് പുനർനിയമനം നൽകിയ കേസിൽ ഗവർണർ ആരിഫ് മുഹമ്മദ് ഖാന് ലോകായുക്തയിൽ തിരിച്ചടി.

വി.സിയായി നിയമിക്കാനുള്ള വ്യക്തിയെ ശുപാർശ ചെയ്യാനാവശ്യപ്പെട്ട് മന്ത്രി ആർ.ബിന്ദുവിന് ഗവർണർ നൽകിയ കത്ത് സർക്കാർ ലോകായുക്തയിൽ ഹാജരാക്കി. ഗവർണറുടെ കത്തിനെത്തുടർന്നാണ് ഗോപിനാഥ് രവീന്ദ്രന്റെ പേര് ശുപാർശ ചെയ്ത് മന്ത്രി കത്തയച്ചത്. അഡ്വക്കേറ്റ് ജനറലിന്റെ നിയമോപദേശം ഹാജരാക്കി തന്നെ സമ്മർദ്ദത്തിലാക്കി വി.സിയെ പുനർനിയമിച്ച് ഉത്തരവിറക്കിച്ചെന്നാണ് ഗവർണർ പറഞ്ഞിരുന്നത്.

മന്ത്രി ബിന്ദുവിന്റേത് ശുപാർശ

മാത്രമെന്ന് ലോകായുക്ത

മന്ത്രി ബിന്ദുവിന്റേത് ശുപാർശ മാത്രമായിരുന്നെന്നും, ഈ ശുപാർശ നിയമനാധികാരിയായ ചാൻസലർ എന്തുകൊണ്ട് നിരസിച്ചില്ലെന്നും ലോകായുക്ത ജസ്​റ്റിസ് സിറിയക് ജോസഫ് ചോദിച്ചു. മന്ത്രി പദവി ദുരുപയോഗം ചെയ്‌തെന്ന ആരോപണത്തിനു തെളിവില്ല. മന്ത്രി ബിന്ദു എന്ത് തെറ്റാണ് ചെയ്തതെന്ന് ഹർജിക്കാർ വ്യക്തമാക്കണം. മന്ത്രിയും ചാൻസലറും ഗവർണറും ലോകായുക്തയുടെ അധികാര പരിധിയിൽ വരുന്നവരല്ല. കത്തിലൊരിടത്തും ശുപാർശയെന്ന വാക്കില്ല പ്രൊപ്പോസൽ എന്നാണുള്ളത് .ഹൈക്കോടതി ജഡ്ജിക്ക് വ്യക്തമാകാത്ത കാര്യം, നിയമ പ്രാവീണ്യമില്ലാത്ത മന്ത്രിക്ക് എങ്ങനെ ബോധ്യമാകാനാണെന്നും ഇക്കാര്യത്തിൽ മന്ത്രിയെ കുറ്റം പറയാനാവില്ലെന്നും ലോകായുക്ത പറഞ്ഞു

. വി.സിയെ നിയമിച്ചതിലോ മുഖ്യമന്ത്രിയുടെ പ്രെെവറ്റ് സെക്രട്ടറിയുടെ ഭാര്യ അസോ.പ്രൊഫസർ നിയമന പട്ടികയിൽ വന്നതിലോ മന്ത്രിക്ക് എന്ത് സാമ്പത്തിക നേട്ടമാണുണ്ടായതെന്ന് വ്യക്തമാക്കാൻ ലോകായുക്ത ഹർജിക്കാരോട് ആവശ്യപ്പെട്ടു. മുഖ്യമന്ത്രിയുടെ പ്രൈവ​റ്റ് സെക്രട്ടറി കെ.കെ.രാഗേഷിന്റെ ഭാര്യയ്ക്ക് നിയമനം നൽകിയതിന്റെ പ്രത്യുപകാരമാണ് വി.സിയുടെ പുനർനിയമനമെന്ന ആരോപണം നിലനിൽക്കില്ല. രാഷ്ട്റീയക്കാരന്റെ ഭാര്യയെന്നതു വലിയ അപരാധമാണോ? പല അധ്യാപക തസ്തികകളിലേക്കും ഈ ഘട്ടത്തിൽ കണ്ണൂർ സർവകലാശാല നിയമനം നടത്തിയിട്ടുണ്ട്. ഈ നിയമനത്തിൽ മന്ത്രിയുടെ റോൾ എന്താണ്? പ്രൈവറ്റ് സെക്രട്ടറിയുടെ ഭാര്യയെ നിയമിച്ചതിന് രേഖയില്ലെന്നും ലോകായുക്ത പറഞ്ഞു. മന്ത്രിക്കും ചാൻസലർക്കുമിടയിൽ ആശയവിനിമയം മാത്രമാണുണ്ടായതെന്ന് പ്രോസിക്യൂഷൻ ഡയറക്ടർ ടിഎ ഷാജി വാദിച്ചു.

യൂണിവേഴ്സിറ്റികളുടെ ഒരു കാര്യത്തിലും മന്ത്രിക്ക് ഇടപെടാനായില്ലെങ്കിൽ പിന്നെ എന്തിനാണ് ഉന്നത വിദ്യാഭ്യാസ മന്ത്രിയെന്ന് ഉപ ലോകായുക്ത ചോദിച്ചു. കേസ് തുടർ വാദം കേൾക്കുന്നതിനും വിധി പറയുന്നതിനുമായി ഈ മാസം നാലിലേയ്ക്ക് മാറ്റി. ലോകായുക്ത സിറിയക് ജോസഫ്,​ ഉപ ലോകായുക്ത ഹാരൂൺ- ഉൾ- റഷീദ് എന്നിവരടങ്ങിയ ഡിവിഷൻ ബഞ്ചാണ് കേസ് പരിഗണിച്ചത്.

വിസിയുടെ പുനർനിയമനത്തിൽ അന്വേഷണം ആവശ്യമുണ്ടോ എന്ന് നാലിന് ലോകായുക്ത തീരുമാനിക്കും. ലോകായുക്ത ഭേദഗതി ഓർഡിനൻസ് അതിനകം പ്jeബല്യത്തിൽ വരുമോയെന്ന് തമാശരൂപേണ ഉപലോകായുക്ത ജസ്​റ്റിസ് ഹാരുൺ അൽ റഷീദ് ചോദിച്ചു. താൻ ഈ നാട്ടുകാരനല്ലെന്നായിരുന്നു പ്രോസിക്യൂഷൻ ഡയറക്ടർ ജനറൽ ടി.എ.ഷാജിയുടെ മറുപടി.

ലോ​കാ​യു​ക്തഓ​ർ​ഡി​ന​ൻ​സ്:
അ​പാ​ക​ത​യി​ല്ലെ​ന്ന് ​സ​ർ​ക്കാർ

₹​ഗ​വ​ർ​ണ​ർ​ക്ക് ​വി​ശ​ദീ​ക​ര​ണം​ ​ന​ൽ​കി
തി​രു​വ​ന​ന്ത​പു​രം​:​ ​ലോ​കാ​യു​ക്ത​ ​നി​യ​മ​ഭേ​ദ​ഗ​തി​ ​ഓ​ർ​ഡി​ന​ൻ​സി​ൽ​ ​പ്ര​തി​പ​ക്ഷം​ ​ഉ​യ​ർ​ത്തു​ന്ന​ത് ​പോ​ലു​ള്ള​ ​നി​യ​മ​പ​ര​മാ​യ​ ​അ​പാ​ക​ത​ക​ളി​ല്ലെ​ന്ന് ​വി​ശ​ദീ​ക​രി​ച്ച് ​ഗ​വ​ർ​ണ​ർ​ ​ആ​രി​ഫ് ​മു​ഹ​മ്മ​ദ് ​ഖാ​ന് ​സ​ർ​ക്കാ​ർ​ ​ക​ത്ത് ​ന​ൽ​കി. ഓ​ർ​ഡി​ന​ൻ​സി​നെ​തി​രെ​ ​പ്ര​തി​പ​ക്ഷം​ ​ഉ​യ​ർ​ത്തി​യ​ ​പ​രാ​തി​ക​ളി​ന്മേ​ൽ​ ​ഗ​വ​ർ​ണ​ർ​ ​സ​ർ​ക്കാ​രി​നോ​ട് ​വി​ശ​ദീ​ക​ര​ണം​ ​തേ​ടി​യ​തി​നു​ള്ള​ ​മ​റു​പ​ടി​ ​ഇ​ന്ന​ലെ​ ​മു​ദ്ര​വ​ച്ച​ ​ക​വ​റി​ൽ​ ​മു​ഖ്യ​മ​ന്ത്രി​യു​ടെ​ ​ഓ​ഫീ​സി​ൽ​ ​നി​ന്ന് ​രാ​ജ്ഭ​വ​നി​ലെ​ത്തി​ച്ചു.​ ​ല​ക്ഷ​ദ്വീ​പി​ൽ​ ​നി​ന്ന് ​ഇ​ന്ന​ലെ​ ​സ​ന്ധ്യ​യോ​ടെ​ ​രാ​ജ്ഭ​വ​നി​ൽ​ ​തി​രി​ച്ചെ​ത്തി​യ​ ​ഗ​വ​ർ​ണ​ർ​ ,​ഇ​ന്ന് ​സ​ർ​ക്കാ​രി​ന്റെ​ ​വി​ശ​ദീ​ക​ര​ണം​ ​പ​രി​ശോ​ധി​ച്ച​ ​ശേ​ഷം​ ​കൂ​ടു​ത​ൽ​ ​നി​യ​മോ​പ​ദേ​ശം​ ​തേ​ട​ണോ​ ​എ​ന്ന​തി​ല​ട​ക്കം​ ​തീ​രു​മാ​ന​മെ​ടു​ക്കും.​ ​വീ​ണ്ടും​ ​നി​യ​മോ​പ​ദേ​ശം​ ​തേ​ടി​യാ​ൽ​ ​ഓ​ർ​ഡി​ന​ൻ​സി​ന്മേ​ൽ​ ​തീ​രു​മാ​നം​ ​പി​ന്നെ​യും​ ​നീ​ളും.
മൂ​ല​ ​നി​യ​മ​ത്തി​ന് ​രാ​ഷ്ട്ര​പ​തി​യു​ടെ​ ​അം​ഗീ​കാ​രം​ ​വാ​ങ്ങി​യി​ട്ടു​ള്ള​തി​നാ​ൽ​ ,​നി​യ​മ​ഭേ​ദ​ഗ​തി​ക്കും​ ​അ​ത് ​വേ​ണ​മെ​ന്നാ​ണ്പ്ര​തി​പ​ക്ഷ​വാ​ദം.​ ​എ​ന്നാ​ൽ,​ ​നി​യ​മ​ത്തി​ൽ​ ​ഇ​തൊ​രു​ ​കാ​ത​ലാ​യ​ ​മാ​റ്റ​മ​ല്ലെ​ന്നാ​ണ് ​സ​ർ​ക്കാ​ർ​ ​ചൂ​ണ്ടി​ക്കാ​ട്ടി​യ​തെ​ന്ന​റി​യു​ന്നു.​ ​പൊ​തു​പ്ര​വ​ർ​ത്ത​ക​രു​ടെ​ ​സ്വ​ത്തു​വി​വ​രം​ ​വെ​ളി​പ്പെ​ടു​ത്തു​ന്ന​തു​മാ​യി​ ​ബ​ന്ധ​പ്പെ​ട്ട് ​ഇ​തേ​ ​നി​യ​മ​ത്തി​ൽ​ 2017​ൽ​ ​ഭേ​ദ​ഗ​തി​ ​വ​രു​ത്തി​യ​പ്പോ​ൾ​ ​രാ​ഷ്ട്ര​പ​തി​യു​ടെ​ ​അം​ഗീ​കാ​രം​ ​തേ​ടി​യി​ട്ടി​ല്ല.​ ​മു​ഖ്യ​മ​ന്ത്രി​യു​ടെ​യും​ ​മ​ന്ത്രി​മാ​രു​ടെ​യും​ ​നി​യ​മ​നാ​ധി​കാ​രി​ ​ഗ​വ​ർ​ണ​റാ​യി​രി​ക്കെ,​ ​സ്റ്റാ​റ്റ്യു​ട്ട​റി​ ​സ്ഥാ​പ​ന​മാ​യ​ ​ലോ​കാ​യു​ക്ത​യ്ക്ക് ​ഇ​ത്ത​ര​മൊ​രു​ ​അ​ധി​കാ​രം​ ​ന​ൽ​കി​യ​ത് ​ഭ​ര​ണ​ഘ​ട​ന​യു​ടെ​ ​അ​ന്ത​സ്സ​ത്ത​യ്ക്ക് ​നി​ര​ക്കു​ന്ന​ത​ല്ലെ​ന്ന​ ​നി​യ​മോ​പ​ദേ​ശം​ ​അ​ഡ്വ​ക്ക​റ്റ് ​ജ​ന​റ​ലി​ൽ​ ​നി​ന്ന് ​ല​ഭി​ച്ച​തി​നെ​ ​തു​ട​ർ​ന്നാ​ണ് ​നി​യ​മ​ഭേ​ദ​ഗ​തി.​ ​ലോ​കാ​യു​ക്ത​ ​അ​ന്വേ​ഷ​ണ​ ​ഏ​ജ​ൻ​സി​ ​മാ​ത്ര​മാ​ണ്.​ ​ഈ​ ​ഏ​ജ​ൻ​സി​ ​ക​ണ്ടെ​ത്തു​ന്ന​ ​കാ​ര്യ​ത്തി​ൽ​ ​അ​പ്പീ​ലി​നു​ള്ള​ ​അ​ധി​കാ​രം​ ​പോ​ലു​മി​ല്ലാ​ത്ത​ത് ​ജ​നാ​ധി​പ​ത്യ​സ്വ​ഭാ​വം​ ​ഇ​ല്ലാ​താ​ക്കു​ന്ന​താ​ണെ​ന്ന​ ​വാ​ദ​ഗ​തി​ക​ളു​ണ്ടാ​യി.​ ​സ്വാ​ഭാ​വി​ക​നീ​തി​യു​ടെ​ ​ലം​ഘ​ന​വും​ ​ചൂ​ണ്ടി​ക്കാ​ണി​ക്ക​പ്പെ​ട്ടു.​ ​ലോ​കാ​യു​ക്ത​ ​നി​യ​മം​ ​സം​സ്ഥാ​ന​ ​നി​യ​മ​മാ​ണ്.​ലോ​കാ​യു​ക്ത​ ​ഭ​ര​ണ​ഘ​ട​നാ​സ്ഥാ​പ​ന​മ​ല്ല,​ ​അ​ർ​ദ്ധ​ ​ജു​ഡി​ഷ്യ​ൽ​ ​സ്ഥാ​പ​നം​ ​മാ​ത്ര​മാ​ണെ​ന്നും​ ​സ​ർ​ക്കാ​ർ​ ​വി​ശ​ദീ​ക​ര​ണ​ത്തി​ൽ​ ​ചൂ​ണ്ടി​ക്കാ​ട്ടി​യി​ട്ടു​ണ്ടെ​ന്നാ​ണ് ​സൂ​ച​ന.
അ​തേ​സ​മ​യം,​ ​നി​യ​മ​സ​ഭാ​സ​മ്മേ​ള​നം​ ​വി​ളി​ച്ചു​ ​ചേ​ർ​ക്കാ​ൻ​ ​ഇ​തി​നി​ട​യി​ൽ​ ​മ​ന്ത്രി​സ​ഭ​ ​ശു​പാ​ർ​ശ​ ​ചെ​യ്താ​ൽ​ ​ഇ​പ്പോ​ഴ​ത്തെ​ ​ഓ​ർ​ഡി​ന​ൻ​സി​ന് ​സാ​ധു​ത​യി​ല്ലാ​താ​കും.​ ​അ​തി​നാ​ൽ​ ,​ഗ​വ​ർ​ണ​ർ​ ​ഒ​പ്പു​ ​വ​ച്ച​ ​ശേ​ഷ​മേ​ ​സ​ഭാ​ ​സ​മ്മേ​ള​നം​ ​വി​ളി​ക്കു​ന്ന​ത് ​മ​ന്ത്രി​സ​ഭ​ ​ച​ർ​ച്ച​ ​ചെ​യ്യാ​നി​ട​യു​ള്ളൂ.