കാട്ടാക്കട:ഡി.വൈ.എഫ്.ഐ കാട്ടാക്കട ബ്ലോക്ക് കമ്മിറ്റിയുടെ നേതൃത്വത്തിൽ കാട്ടാക്കടഗവ.ആശുപത്രിയിലെത്തുന്ന രോഗികൾക്കും കൂട്ടിരുപ്പുകാർക്കുമുള്ള ഉച്ചഭക്ഷണ വിതരണ പദ്ധതി ഡി.വൈ.എഫ്.ഐ മുൻ ജില്ലാ സെക്രട്ടറിയും സി.പി.എം ജില്ലാ കമ്മിറ്റിയംഗവുമായ അഡ്വ.ഐ.സാജു ഉദ്ഘാടനം ചെയ്തു.കാട്ടാക്കട,പൂവച്ചൽ,കള്ളിക്കാട്,മാറനല്ലൂർ,കുറ്റിച്ചൽ പഞ്ചായത്തുകളിലെ 120തോളം യൂണിറ്റ് കമ്മിറ്റികളാണ് ദിവസവും ആശുപത്രിയിൽ പൊതിച്ചോർ വിതരണം നടത്തുന്നത്.ബ്ലോക്ക് പ്രസിഡന്റ് ആർ.രതീഷ് അദ്ധ്യക്ഷത വഹിച്ചു.ബ്ലോക്ക് സെക്രട്ടറി വി.വി.അനിൽ എം.എൽ.എ മാരായ അഡ്വ.ഐ ബി സതീഷ്,അഡ്വ.ജി.സ്റ്റീഫൻ,പൂവച്ചൽ ഗ്രാമ പഞ്ചായത്ത് പ്രസിഡന്റ് ടി.സനൽകുമാർ,സി.പി.എം കാട്ടാക്കട ഏരിയാക്കമ്മിറ്റിയംഗം പി.എസ്.പ്രഷീദ്,മെഡിക്കൽ ഓഫീസർ ഡോ.നെൽസൺ,എസ് കവിത,അഖിലൻ ചെറുകോട്,ബ്ലോക്ക്‌ കമ്മിറ്റിയംഗങ്ങളായ ശരൺ, ഷൈൻ,ജിഷ്ണു,ശരത്,ലിജിൻ,സജു,തസ്‌ലിം,രാജേഷ്,നന്ദു,അഖിൽ,നജീബ്,ഷൈനി തുടങ്ങിയവർ സംസാരിച്ചു.പൊതിച്ചോറുകൾക്കൊപ്പം കുടിവെള്ളവും,മാസ്കുകളും വിതരണം ചെയ്തു.വീരണകാവ് മേഖലയിലെ തൊട്ടമ്പറ യൂണിറ്റ് കമ്മിറ്റിയാണ് ആദ്യ ദിവസം പൊതിച്ചോർ വിതരണം ചെയ്തത്.