തിരുവനന്തപുരം: മുൻ ദേശീയ കായികതാരം കുഴിത്തുറ അരുമന അമ്പലക്കട സെന്റ് പീറ്റർ ആൻഡ് പോൾ ചർച്ചിന് സമീപം ഏഞ്ചിലസ് കോട്ടേജിൽ സി. ധർമ്മൻ (85) നിര്യാതനായി. ഭാര്യ: ഫ്ളോറൻസ്. മക്കൾ: ഷാജി, ഷാലൻ, ഷിജി, ഷൈൽ. മരുമക്കൾ: ബിന്ദു, ഹേമ ജോ, സിംഹ, ജൂലി.

ഇന്ത്യൻ റെയിൽവേ ഫുട്ബോൾ ടീം മുൻ അംഗമായ ധർമ്മൻ 1963ലെ ലക്‌നൗ ദേശീയ കായികമേളയിൽ 110 മീറ്റർ ഹർഡിൽസിൽ സ്വർണ്ണമെഡൽ നേടിയിട്ടുണ്ട്. കാലാ ഘോട (കറുത്ത കുതിര)​ എന്നാണ് അദ്ദേഹം അറിയപ്പെട്ടിരുന്നത്. 1961ൽ റെയിൽവെയിലൂടെയാണ് ഔദ്യോഗിക ജീവിതം ആരംഭിച്ചത്. സി.ആർ.പി.എഫിൽ സർക്കിൾ ഇൻസ്‌പെക്ടറായിരിക്കെ 1982ൽ സ്വയം വിരമിച്ചു. വിഴിഞ്ഞം പുല്ലുവിള സ്വദേശിയായ ധർമ്മൻ വോളിബാൾ താരവുമായിരുന്നു. മത്സ്യത്തൊഴിലാളി യൂണിയൻ (സി.ഐ.ടി.യു)​ ജനറൽ സെക്രട്ടറി ഇ. കെന്നഡി സഹോദരീപുത്രനാണ്.