പാറശാല: സി.പി.ഐ ചെങ്കൽ ലോക്കൽ കമ്മിറ്റി സെക്രട്ടറിയും മണ്ഡലം കമ്മിറ്റി അംഗവുമായ വ്ലാത്താങ്കര ഇലവങ്ങമൂല വി.വി നിവാസിൽ പി. വിശ്വനാഥൻ നാടാർ (66) നിര്യാതനായി. സംസ്കാരം ഇന്ന് രാവിലെ 8.30ന് വീട്ടുവളപ്പിൽ നടക്കും. മുൻ ബ്ലോക്ക് പഞ്ചായത്ത് അംഗം സി. വിജയകുമാരിയാണ് ഭാര്യ. മക്കൾ: വിജിൽ വി.വി, അഡ്വ. വിശാഖ് വി.വി (എ.ഐ.വൈ.എഫ് നെയ്യാറ്റിൻകര മണ്ഡലം പ്രസിഡന്റ്). മരുമക്കൾ: ആശ, ഐശ്വര്യ. ഇലക്ട്രിക്സിറ്റി വർക്കേഴ്സ് ഫെഡറേഷൻ നേതാവ്, ഗ്രന്ഥശാലാ പ്രവർത്തകൻ എന്നീ നിലകളിൽ പ്രവർത്തിച്ചിട്ടുണ്ട്. സി.പി.ഐ ജില്ലാ സെക്രട്ടറി മാങ്കോട് രാധാകൃഷ്ണൻ, അസിസ്റ്റന്റ് സെക്രട്ടറി പള്ളിച്ചൽ വിജയൻ, എക്സിക്യുട്ടീവ് അംഗം വെങ്ങാനൂർ ബ്രൈറ്റ്, മണ്ഡലം സെക്രട്ടറി എ.എസ്. ആനന്ദകുമാർ, ജില്ലാ കൗൺസിൽ അംഗങ്ങളായ എൻ. അയ്യപ്പൻ നായർ, ജി.എൻ. ശ്രീകുമാരൻ തുടങ്ങി നിരവധിപേർ അന്തിമോപചാരമർപ്പിച്ചു.