തിരുവനന്തപുരം:കൊവിഡ് ബാധിച്ച് ആശുപത്രിയിൽ പ്രവേശിപ്പിക്കപ്പെടുന്ന രോഗികളുടെ എണ്ണം 25 ശതമാനത്തിൽ താഴെ എത്തിയതിനെത്തുടർന്ന് ജില്ലയെ സി കാറ്റഗറിയിൽ നിന്നും ബി കാറ്റഗറിയിലേക്ക് മാറ്റി.ബി കാറ്റഗറിയിലെ നിയന്ത്രണങ്ങളാണ് ഇനി ജില്ലയിൽ നടപ്പാക്കുന്നത്.ഞായറാഴ്ച നിയന്ത്രണങ്ങളുടെ ഭാഗമായി ഇന്ന് അവശ്യസർവീസുകൾക്ക് മാത്രമായിരിക്കും അനുവദിക്കുക.

നിയന്ത്രണങ്ങൾ

നാളെ മുതൽ 10,11,12 ക്ലാസുകളും ബിരുദ,ബിരുദാനന്തര ക്ലാസുകളും ട്യൂഷൻ ക്ലാസുകളും ഓഫ്‌ലൈനായി പ്രവർത്തിക്കും

ഫെബ്രുവരി 14 മുതൽ ഒന്ന് മുതൽ ഒൻപത് വരെയുള്ള ക്ലാസുകൾ,ക്രഷ്,കിന്റർ ഗാർട്ടൻ എന്നിവയും ഓഫ്‌ലൈനായി പ്രവർത്തിക്കും

ആരാധനാലയങ്ങളിൽ പരമാവധി 20 പേർക്ക് മാത്രമായിരിക്കും പ്രവേശനം

രാഷ്ട്രീയ സാമൂഹ്യ സാംസ്‌കാരിക മതസാമുദായികപരമായ പൊതുപരിപാടികൾ ഉൾപ്പെടെയുള്ള യാതൊരുവിധ കൂടിച്ചേരലുകളും പാടില്ല

വിവാഹ,മരണാനന്തര ചടങ്ങുകൾക്ക് പങ്കെടുക്കാവുന്നവരുടെ എണ്ണം 20 ആയി തുടരും

സിനിമാ തിയേറ്ററുകൾ,നീന്തൽക്കുളങ്ങൾ,ജിമ്മുകൾ എന്നിവയ്ക്ക് പ്രവർത്തിക്കാം

ഞായർ നിയന്ത്രണങ്ങളും ഇളവുകളും

കൊവിഡുമായി ബന്ധപ്പെട്ട് അവശ്യസർവീസുകളായി പ്രവർത്തിക്കുന്ന കേന്ദ്രസംസ്ഥാന സ്വയംഭരണ, പൊതുമേഖലാ സ്ഥാപനങ്ങൾ എന്നിവ വകുപ്പ് തലവന്മാർ ആവശ്യപ്പെടുന്ന സാഹചര്യത്തിൽ തുറന്ന് പ്രവർത്തിക്കാം

ഈ സ്ഥാപനങ്ങളിലെ ജീവനക്കാർ യാത്രയ്ക്കായി തിരിച്ചറിയൽ കാർഡുകൾ കരുതണം

കമ്പനികൾ,വ്യവസായ സ്ഥാപനങ്ങൾ,മറ്റ് സ്ഥാപനങ്ങൾ എന്നിവ പ്രവർത്തിക്കാം.ജീവനക്കാർ യാത്രക്കായി തിരിച്ചറിയൽ കാർഡ് കരുതണം

രോഗികൾ,കൂട്ടിരുപ്പുകാർ,വാക്സിനേഷനുമായി ബന്ധപ്പെട്ട വ്യക്തികൾ എന്നിവർക്ക് മതിയായ രേഖകളുടെ അടിസ്ഥാനത്തിൽ ആശുപത്രികളിലേക്കും വാക്സിനേഷൻ കേന്ദ്രത്തിലേക്കും യാത്ര അനുവദിക്കും

ദീർഘദൂര ബസ് യാത്രകൾ,ട്രെയിൻ,വിമാന സർവീസുകൾ എന്നിവ അനുവദിച്ചിട്ടുള്ള സാഹചര്യത്തിൽ ബസ് ടെർമിനലുകൾ,റെയിൽവേ സ്റ്റേഷനുകൾ,വിമാനത്താവളം എന്നിവിടങ്ങളിലേക്ക് രേഖകളുമായി യാത്ര ചെയ്യാം

പഴം,പച്ചക്കറി,പാൽ മത്സ്യമാംസങ്ങൾ വിൽക്കുന്ന കടകൾ എന്നിവയ്ക്ക് രാവിലെ 7 മുതൽ രാത്രി 9 വരെ പ്രവർത്തിക്കാം

റസ്റ്റോറന്റുകളും ബേക്കറികളും രാവിലെ 7 മുതൽ രാത്രി 9 വരെ പാഴ്സൽ സംവിധാനത്തിനും ഹോം ഡെലിവറിക്കും മാത്രമായി തുറക്കാം

ഹോം ഡെലിവറി ചെയ്യുന്ന ഇകെമേഴ്സ്,കൊറിയർ സ്ഥാപനങ്ങൾക്ക് രാവിലെ 7 മുതൽ രാത്രി 9 വരെ പ്രവർത്തിക്കാം

മുൻകൂർ ബുക്ക് ചെയ്ത സ്റ്റേ വൗച്ചറുകൾ സഹിതം വിനോദസഞ്ചാര കേന്ദ്രങ്ങളിലേക്ക് യാത്ര ചെയ്യാവുന്നതും ഹോട്ടൽ,റിസോർട്ട് എന്നിവിടങ്ങളിൽ താമസിക്കാവുന്നതുമാണ്

സി.എൻ.ജി,ഐ.എൻ.ജി,എൽ.പി.ജി എന്നിവയുടെ വിതരണം അനുവദിക്കും

മത്സരപരീക്ഷകൾക്ക് അഡ്മിറ്റ് കാർഡുകൾ,ഐഡന്റിറ്റി കാർഡുകൾ,ഹാൾടിക്കറ്റ് എന്നിവ ഉപയോഗിച്ച് ഉദ്യോഗാർത്ഥികൾക്കും പരീക്ഷാ ഉദ്യോഗസ്ഥർക്കും യാത്രചെയ്യാം

ഡിസ്‌പെൻസറികൾ,മെഡിക്കൽ സ്‌റ്റോറുകൾ,നഴ്സിംഗ് ഹോമുകൾ,ആംബുലൻസുകൾ അനുബന്ധ സേവനങ്ങൾ,ജീവനക്കാരുടെ യാത്രകൾ എന്നിവ അനുവദിക്കും

അടിയന്തര വാഹന അറ്റകുറ്റപ്പണികൾക്കുള്ള വർക്ക് ഷോപ്പുകൾ തുറന്ന് പ്രവർത്തിപ്പിക്കാം

ജില്ലാ നഗരാതിർത്തികളിൽ പൊലീസ് ബാരിക്കേഡ് ഉപയോഗിച്ച് പരിശോധന നടത്തും