നെയ്യാറ്റിൻകര: കർഷകരെയും ഇടത്തരം ജനങ്ങളെയും പരിഗണിക്കാത്തൊരു ബഡ്ജറ്റാണ് കേന്ദ്ര സർക്കാർ അവതരിപ്പിച്ചതെന്നാരോപിച്ച് സി.പി.ഐ നെയ്യാറ്റിൻകര മണ്ഡലം കമ്മിറ്റിയുടെ നേതൃത്വത്തിൽ സമരം സംഘടിപ്പിച്ചു. നെയ്യാറ്റിൻകര പോസ്റ്റാഫിസിനു മുന്നിൽ നടന്ന സമരം സി.പി.ഐ ജില്ലാ എക്സി. അംഗം വെങ്ങാനൂർ ബ്രൈറ്റ് ഉദ്ഘാടനം ചെയ്തു.മണ്ഡലം സെക്രട്ടറി എ.എസ് ആനന്ദകുമാർ അദ്ധ്യക്ഷത വഹിച്ചു.ജില്ലാ കൗൺസിൽ അംഗങ്ങളായ എൻ.അയ്യപ്പൻ നായർ,ജി.എൻ.ശ്രീകുമാരൻ,സെക്രട്ടറിയേറ്റ് അംഗങ്ങളായ എസ്.രാഘവൻ നായർ,എൽ.ശശികുമാർ, പ്രൊഫ.എം.ചന്ദ്രബാബു,പി.പി.ഷിജു എന്നിവർ പങ്കെടുത്തു.