തിരുവനന്തപുരം : പുത്തൻകോവിൽ ശ്രീ ഭഗവതിക്ഷേത്രത്തിലെ തിരുവുത്സവം 25 മുതൽ മാർച്ച് 6 വരെ നടക്കും.

25ന് രാവിലെ 6.30ന് മഹാഗണപതിഹോമം,മഹാസുദർശനഹോമം എന്നീ ചടങ്ങുകളോടെ ഉത്സവപൂജ ആരംഭിച്ച് മാർച്ച് 6 ന് വൈകിട്ട് 7ന് അശ്വതി പൂജയോടുകൂടി സമാപിക്കും.25 മുതൽ 6 വരെയുള്ള ദിവസങ്ങളിൽ കൊവിഡ് മാനദണ്ഡം പാലിച്ച് മഹാഗണപതിഹോമം,മഹാസുദർശനഹോമം,മഹാമൃത്യുഞ്ജയഹോമം,കലശാഭിഷേകം, കളഭാഭിഷേകം,കുങ്കുമാഭിഷേകം,നവഗ്രഹപൂജ എന്നീ വിശേഷാൽ പൂജകൾ ക്ഷേത്ര തന്ത്രി നെടുമൺമഠം ഹരിദാസ് പണ്ടാരത്തിന്റെയും മേൽശാന്തി എൻ. ഇൗശ്വരൻ നമ്പൂതിരിയുടെയും മുഖ്യകാർമ്മികത്വത്തിൽ നടത്തും.ഉത്സവദിവസങ്ങളിൽ ദേവിനടകളിൽ ഭക്തജനങ്ങൾക്ക് നിറപറ സമർപ്പിക്കുവാനുള്ള സൗകര്യം ഏർപ്പെടുത്തിയിട്ടുണ്ട്.ഉത്സവ ദിവസങ്ങളിലെ ഉത്സവപൂജ,മഹാഗണപതിഹോമം,മഹാസുദർശനഹോമം, പഞ്ചാമൃതാഭിഷേകം, കളഭാഭിഷേകം,കലശാഭിഷേകം,കുങ്കുമാഭിഷേകം,അവൽ നിവേദ്യം,നവഗ്രഹപൂജ,നാഗരൂട്ട് എന്നീ വഴിപാടുകൾ നടത്താൻ ആഗ്രഹിക്കുന്ന ഭക്തജനങ്ങൾ ക്ഷേത്രം ഒാഫീസുമായി ബന്ധപ്പെടണമെന്ന് സെക്രട്ടറി സി.പി.സേതുനാഥ് അറിയിച്ചു.25ന് വൈകിട്ട് 5 മുതൽ ഭക്തിഗാനസുധയും 26 മുതൽ മാർച്ച് 6 വരെ വൈകിട്ട് ദേവീഭാഗവത പാരായണവും ഉണ്ടായിരിക്കും.അന്നദാനം,ലഘുഭക്ഷണം, സറ്റേജ് പ്രോഗ്രാം,പുറത്ത് പറയെടുപ്പെഴുന്നള്ളത്ത് എന്നിവ ഉണ്ടായിരിക്കില്ല.ഉത്സവത്തോടനുബന്ധിച്ച് സംഭാവനകൾ നൽകുവാൻ ആഗ്രഹിക്കുന്ന ഭക്തജനങ്ങൾ ക്ഷേത്രം ഒാഫീസിൽ എത്തിച്ച് രസീത് വാങ്ങേണ്ടതാണ്.