നാഗർകോവിൽ: മണ്ടയ്ക്കാട് ഭഗവതി ക്ഷേത്രത്തിലെ മാശി കൊട മഹോത്സവം 27ന് കൊടിയേറി മാർച്ച് 8ന് സമാപിക്കും. രാവിലെ 7:30ന് കൊടിയേറ്റ്. തുടർന്ന് ഹൈന്ദവ സേവാ സംഘത്തിന്റെ മതസമ്മേളന പന്തലിൽ 85മത് സമ്മേളനം കൊടിയേറും ഇതിൽ തെലുങ്കാന ഗവർണർ തമിഴിസൈ സൗന്ദർരാജൻ, ശ്രീ മദ് സ്വാമി ചൈതന്യ നന്ദജി മഹാരാജ് പങ്കെടുക്കും. ഉത്സവ ദിവസങ്ങളിൽ രാവിലെ വിശേഷ പൂജകളും, അഭിഷേകങ്ങളും നടക്കും. ഫെബ്രുവരി 1മുതൽ 8വരെ രാവിലെയും രാത്രി 9:30നും ദേവി വെള്ളി പല്ലക്കിൽ എഴുന്നള്ളും. മാർച്ച്‌ 4ന് രാത്രി 12ന് ഉത്സവത്തിലെ പ്രധാന ചടങ്ങുകളിൽ ഒന്നായ വലിയ പടുക്ക സമർപ്പണം. 7ന് രാത്രി 9:30ന് വലിയ തീവെട്ടി എഴുന്നള്ളത്ത്‌. 8ന് പുലർച്ചെ ശാസ്താ ക്ഷേത്രത്തിൽ നിന്ന് കളഭ ഘോഷയാത്ര തിരിക്കും. രാത്രി 9:30ന് ദേവി എഴുന്നള്ളത്ത്. രാത്രി 12ന് ഒടുക്ക് പൂജയ്ക്കുള്ള പദാർത്ഥങ്ങൾ പാരമ്പര്യ ആചാരപ്രകാരം ക്ഷേത്രത്തിലേക്ക് എഴുന്നള്ളിക്കും. രാത്രി ഒന്നിന് ഒടുക്ക് പൂജ. മറുകോട മാർച്ച്‌ 15ന്.