തിരുവനന്തപുരം : സംസ്ഥാനത്ത് പ്രതിദിന കൊവിഡ് രോഗികളുടെ എണ്ണം കുറയുന്നു. ഇന്നലെ 22,524 പേരാണ് രോഗബാധിതരായത്. 28.62 ശതമാനമാണ് ടെസ്റ്ര് പോസിറ്റിവിറ്റി നിരക്ക്. 24 മണിക്കൂറിനിടെ 78,682 സാമ്പിളുകളാണ് പരിശോധിച്ചത്. 24 മണിക്കൂറിനിടെയുള്ള 14 മരണങ്ങളും കഴിഞ്ഞദിവസങ്ങളിലുണ്ടായ 113 മരണങ്ങളും കൂടാതെ അപ്പീൽ നൽകിയ 733 മരണങ്ങളും പട്ടികയിൽ ഉൾപ്പെടുത്തി. 170 ആരോഗ്യ പ്രവർത്തകരും രോഗബാധിതരായി. ഇന്നലെ രോഗം സ്ഥിരീകരിച്ചവരിൽ 21,033 പേർ സമ്പർക്കരോഗികളാണ്. 1207 പേരുടെ ഉറവിടം വ്യക്തമല്ല. 114 പേരാണ് സംസ്ഥാനത്തിന് പുറത്ത് നിന്നും വന്നവർ. ചികിത്സയിലായിരുന്ന 49,586 പേർ രോഗമുക്തി നേടി.