കല്ലറ:വാമനപുരം എക്സൈസ് റേഞ്ച് ഇൻസ്പെക്ടറും സംഘവും ചേർന്ന് പെരിങ്ങമല വില്ലേജിൽ മങ്കയം ഭാഗത്ത് നടത്തിയ പരിശോധനയിൽ അനധികൃതമായി മദ്യവില്പന നടത്തിവന്ന ആൾ പിടിയിൽ.മങ്കയം റോഡരികത്ത് വീട്ടിൽ ഡെന്നിസനെയാണ് അറസ്റ്റ് ചെയ്തത്.ഇയാൾക്കെതിരെ അബ്കാരി കേസെടുത്തു.മങ്കയം,ബ്രൈമൂർ ഭാഗത്ത് എത്തുന്ന ടൂറിസ്റ്റുകൾക്കും മറ്റും മദ്യവില്പന നടത്തുന്നതിനിടെയാണ് എക്സൈസ് പിടിയിലാകുന്നത്. പ്രതിയിൽ നിന്ന് 9 കുപ്പി മദ്യം പിടിച്ചെടുത്തു.ബിവറേജിൽ നിന്ന് വാങ്ങുന്ന മദ്യം ആവശ്യക്കാർക്ക് കുപ്പിയായും പെഗ്ഗായുമാണ് വില്പന നടത്തിവന്നിരുന്നത്. മദ്യം വിറ്റ രൂപയും കണ്ടെടുത്തിട്ടുണ്ട്.എക്സൈസ് ഇൻസ്പെക്ടർ ജി.മോഹൻകുമാറിന്റെ നേതൃത്വത്തിൽ നടന്ന പരിശോധനയിൽ പ്രിവന്റീവ് ഓഫീസർ ഷാജി, രാധാകൃഷ്ണപിള്ള,സിവിൽ എക്സൈസ് ഓഫീസർമാരായ അരുൺ കുമാർ,ഹാഷിം,വനിതാ സിവിൽ എക്സൈസ് ഓഫീസർ മഞ്ജുഷ എന്നിവർ പങ്കെടുത്തു.