തിരുവനന്തപുരം: യു.എ.ഇയിലെ അഞ്ച് ദിവസത്തെ സന്ദർശനം വൻ വിജയമായിരുന്നുവെന്നും അവിടുത്തെ പ്രതികരണങ്ങൾ സംസ്ഥാനത്തിന്റെ പുരോഗതിക്കുള്ള തടസങ്ങൾ മിറകടക്കാനുള്ള ശ്രമങ്ങൾക്ക് വലിയ ഊർജമാണെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. വാണിജ്യവ്യവസായരംഗത്തെ സഹകരണം കൂടുതൽ ശക്തിപ്പെടുത്തുന്നതിന്റെ ഭാഗമായി കൊവിഡ് വ്യാപനം കുറയുന്ന മുറയ്ക്ക് അബുദാബി ചേംബറിന്റെ ഉന്നതതലസംഘം കേരളം സന്ദർശിക്കും. ചേംബർ ചെയർമാൻ അബ്ദുള്ള മുഹമ്മദ് അൽ മസ്രോയിയുമായി നടത്തിയ കൂടിക്കാഴ്ചയിലാണ് തീരുമാനം.

യു.എ.ഇ അന്താരാഷ്ട്ര വ്യാപാര വകുപ്പ് മന്ത്രി ഡോ. താനി ബിൻ അഹമ്മദ് അൽസിയൂദി, മാനവവിഭവശേഷി, സ്വദേശിവത്കരണ മന്ത്രി ഡോ. അബ്ദുൽ റഹ്മാൻ അബ്ദുൽ മനാൻ അൽ അവാർ, ഉപപ്രധാനമന്ത്രി ഷെയ്ക്ക് സെയ്ഫ് ബിൻ സായിദ് അൽ നഹ്യാൻ, വ്യവസായ മന്ത്രിയും അബുദാബി നാഷണൽ ഓയിൽ കമ്പനിയുടെ മാനേജിംഗ് ഡയറക്ടറുമായ സുൽത്താൻ അഹമ്മദ് ബിൻ ജാബിർ എന്നിവരുമായി നടത്തിയ കൂടികാഴ്ചയിൽ കേരളത്തിന്റെ ഉന്നമനത്തിനുതകുന്ന പദ്ധതികളിൽ സഹകരിക്കാൻ തയ്യാറാണെന്ന് അറിയിച്ചു.

 നിക്ഷേപങ്ങൾ നിരവധി

ഹോട്ട്പാക്ക് 200 കോടിയുടെ നിക്ഷേപം, മുരല്യ 100 കോടിയുടെ നിക്ഷേപവും നടത്താൻ സന്നദ്ധത അറിയിച്ചിട്ടുണ്ട്. കൂടാതെ ട്രാൻസ് വേൾഡ്, ഷറഫ് ഗ്രൂപ്പ് എന്നിവരും നിക്ഷേപത്തിന് സന്നദ്ധത അറിയിച്ചിട്ടുണ്ട്. കേരളത്തിൽ തുടർഭരണം ഉണ്ടായത് സംസ്ഥാനത്തിന്റെ വികസന പ്രവർത്തനങ്ങൾക്ക് കൂടുതൽ ഗുണകരമാകുമെന്ന് അബുദാബി രാജകുടുംബാംഗവും യു.എ.ഇ
ക്യാബിനറ്റ് മന്ത്രിയുമായ ഷെയ്ഖ് നഹ്യാൻ ബിൻ മുബാറക് അൽ നഹ്യാൻ കൂടിക്കാഴ്ചയിൽ എടുത്തു പറഞ്ഞുവെന്നും മുഖ്യമന്ത്രി അറിയിച്ചു. അഞ്ചു ദിവസത്തെ സന്ദർശനത്തിനായി യു.എ.ഇയിൽ എത്തിയപ്പോൾ ഊഷ്മളമായ സ്വീകരണമാണ് യു.എ.ഇ ഭരണാധികാരികളിൽ നിന്നും മലയാളി പ്രവാസികളിൽ നിന്നും ലഭിച്ചത്. അവർക്കും യു.എ.ഇയിലെ കൂടിക്കാഴ്ചകളിൽ ഒപ്പമുണ്ടായിരുന്ന ലുലു ഗ്രൂപ്പ് ചെയർമാനും നോർക്ക വൈസ് ചെയർമാനുമായ എം.എ. യൂസഫലി, യു.എ.ഇയിലെ
ഇന്ത്യൻ സ്ഥാനപതി സഞ്ജയ് സുധീർ എന്നിവർക്കും മുഖ്യമന്ത്രി നന്ദി അറിയിച്ചു.

 വ​ർഗീ​യ​ ​ചേ​രി​തി​രി​വ് ​അ​തീ​വ​ ​ഗൗ​ര​വ​ത​രം​:​ ​മു​ഖ്യ​മ​ന്ത്രി

സ​മൂ​ഹ​ത്തി​ൽ​ ​വ​ർഗീ​യ​ ​ചേ​രി​തി​രി​വു​ണ്ടാ​ക്കാ​നു​ള്ള​ ​ശ്ര​മ​ങ്ങ​ൾ​ ​അ​തീ​വ​ ​ഗൗ​ര​വ​മാ​യി​ ​കാ​ണ​ണ​മെ​ന്ന് ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​വാ​ർ​ത്താ​സ​മ്മേ​ള​ന​ത്തി​ൽ​ ​പ​റ​ഞ്ഞു.​ ​രാ​ജ്യ​ത്ത് ​ഏ​തെ​ല്ലാം​ ​ത​ര​ത്തി​ൽ​ ​ആ​പ​ത്ത് ​സൃ​ഷ്ടി​ക്കാ​മെ​ന്ന​തി​ന്റെ​ ​ഉ​ദാ​ഹ​ര​ണ​മാ​ണ് ​സ​മീ​പ​കാ​ല​ത്തെ​ ​സം​ഭ​വ​ങ്ങ​ൾ.​ ​ല​താ​ ​മ​ങ്കേ​ഷ്‌​ക​റി​ന്റെ​ ​മൃ​ത​ദേ​ഹ​ത്തി​ൽ​ ​ആ​ദ​ര​വ​ർ​പ്പി​ക്കാ​ൻ​ ​ഷാ​രൂ​ഖ് ​ഖാ​ൻ​ ​ര​ഹ​സ്യ​മാ​യ​ല്ല​ ​പോ​യ​ത്.​ ​വ​ള​രെ​ ​ആ​ദ​ര​വോ​ടെ​യും​ ​സ്വാ​ഭാ​വി​ക​മാ​യു​മാ​ണ് ​അ​ന്ത്യാ​ഞ്ജ​ലി​ ​അ​ർ​പ്പി​ച്ച​ത്.​ ​അ​തി​നെ​ ​എ​ങ്ങ​നെ​ ​വ​ർ​ഗീ​യ​മാ​യി​ ​ചി​ത്രീ​ക​രി​ക്കാ​ൻ​ ​ക​ഴി​യും​?​ ​വ​ർഗീ​യ​ത​യു​ടെ​ ​വി​ഷം​ ​ചീ​റ്റു​ന്ന​ ​മാ​ന​സി​കാ​വ​സ്ഥ​യു​ള്ള​വ​രാ​ക്കി​ ​കു​ട്ടി​ക​ളെ​ ​മാ​റ്റാ​നാ​ണ് ​ശ്ര​മം.​ ​വി​ദ്യാ​ഭ്യാ​സ​ ​കാ​ലം​ ​ഭി​ന്ന​ത​യു​ടെ​ ​കാ​ല​മ​ല്ല.​ ​ഒ​രേ​ ​ക്ലാ​സ് ​മു​റി​യി​ൽ​ ​എ​ല്ലാ​ ​വി​ഭാ​ഗ​ക്കാ​രു​മു​ണ്ട്.​ ​ഏ​റ്റ​വും​ ​വ​ലി​യ​ ​മ​ത​നി​ര​പേ​ക്ഷ​ത​യു​ടെ​ ​വി​ള​നി​ല​മാ​ണ് ​വി​ദ്യാ​ല​യ​ങ്ങ​ൾ.​ ​ചെ​റി​യ​ ​കു​ട്ടി​ക​ളു​ടെ​ ​മ​ന​സി​ൽ​ ​വ​ർഗീ​യ​ ​വി​ഷം​ ​കു​ത്തി​ക്ക​യ​റ്റി​യാ​ൽ​ ​വ​ലി​യ​ ​ആ​പ​ത്താ​യി​രി​ക്കും​ ​ഫ​ലം.