തിരുവനന്തപുരം: 34-ാമത് കേരള ശാസ്ത്ര കോൺഗ്രസ് ഇന്ന് സമാപിക്കും. 12 വിഭാഗങ്ങളിലായി 140 പ്രബന്ധങ്ങളും 163 പോസ്‌റ്ററുകളും ഇന്നലെ ഓൺലൈനായി അവതരിപ്പിച്ചു. കൃഷി,​ ബയോടെക്നോളജി,​ ഫിഷറീസ്,​ ആരോഗ്യം,​ ജീവശാസ്ത്രം,​ ഗണിതം തുടങ്ങിയ വിഷയങ്ങളിലായിരുന്നു ഗവേഷകരും ശാസ്ത്ര വിദ്യാർത്ഥികളും തങ്ങളുടെ ആശയങ്ങൾ അവതരിപ്പിച്ചത്. ഓരോ വിഭാഗത്തിലെ ഏറ്റവും മികച്ച പ്രബന്ധത്തിനും പോസ്റ്ററിനും സമ്മാനമുണ്ട്. എം.ജി സർവകലാശാല വൈസ് ചാൻസലർ പ്രൊഫ.സാബു തോമസ്,​ ബോട്ടാണിക്കൽ സർവേ ഒഫ് ഇന്ത്യ മുൻ ഡയറക്ടർ ഡോ.എം.സഞ്ജപ്പ,​ കൗൺസിൽ ഒഫ് സയന്റിഫിക്ക് ആൻഡ് ഇൻഡസ്ട്രിയൽ റിസർച്ചിലെ ബയോളജി വിഭാഗം തലവൻ ഡോ. ആർ.ശങ്കരനാരായണൻ എന്നിവർ പ്രബന്ധങ്ങൾ അവതരിപ്പിച്ചു. മേളയുടെ ഭാഗമായ ബാലശാസ്ത്ര കോൺഗ്രസ് ഇന്ന് നടക്കും .മാജിക്ക് പ്ളാനറ്റിലെ ഭിന്നശേഷിക്കാരായ 9 കുട്ടികളുടെ കണ്ടെത്തലുകളും ഇന്ന് അവതരിപ്പിക്കും.