നെയ്യാറ്റിൻകര: തെക്കിന്റെ കൊച്ച്പാദുവ എന്നറിയപ്പെടുന്ന കമുകിൻകോട് വിശുദ്ധ അന്തോണീസ് ദേവാലയത്തിന്റെ തിർത്ഥാടന തിരുനാൾ ചൊവ്വാഴ്ച ആരംഭിച്ച് 27ന് സമാപിക്കും. നാളെ രാവിലെ 8.30ന് നടക്കുന്ന തിർത്ഥാടന പ്രാരംഭ ദിവ്യബലിക്ക് നെടുമങ്ങാട് റീജിയൺ കോ ഓർഡിനേറ്റർ റൂഫസ് പയസലിൻ മുഖ്യ കാർമ്മികത്വം വഹിക്കും തുടർന്ന് അദ്ദേഹം തിരുസ്വരൂപത്തിൽ കിരീടം ചാർത്തൽ കർമ്മം നിർവഹിക്കും.

വൈകിട്ട് 5.15ന് കൊച്ച്പള്ളിയിൽ നടക്കുന്ന സമൂഹ ദിവ്യബലി ഫാ. സുരേഷ് ഡി. ആന്റണിയുടെ മുഖ്യ കാർമ്മികത്വത്തിൽ ഫാ. ക്ലീറ്റസ് വചന സന്ദേശം നൽകും. തുടർന്ന് കൊച്ച് പളളിയിൽ നിന്ന് വലിയ പള്ളിയിലേക്ക് തിരുസ്വരൂപ പ്രദക്ഷിണം. രാത്രി 8ന് ഇടവക വികാരി ഫാ.ജോയ് മത്യാസ് കൊടിയേറ്റ് കർമ്മം നിർവഹിക്കും. തിരുനാൾ ദിനങ്ങളിൽ നെയ്യാറ്റിൻകര തിരുവനന്തപുരം പാറശാല രൂപതകളിലെ വൈദികർ കാർമ്മികരാവും. 22ന് വൈകിട്ട് 6ന് നെയ്യാറ്റിൻകര റീജിയൺ കോ ഓർഡിനേറ്റർ സെൽവരാജിന്റെ മുഖ്യ കാർമ്മികത്വത്തിൽ പ്രഥമ ദിവ്യകാരുണ്യ സ്വീകരണം നടക്കും.

25ന് വൈകിട്ട് നടക്കുന്ന അഘോഷമായ ദിവ്യബലിക്ക് രൂപത ശുശ്രൂഷ കോ ഓർഡിനേറ്റർ വി.പി ജോസ് മുഖ്യ കാർമ്മികത്വം വഹിക്കും. തുടർന്ന് പളളിക്ക് ചുറ്റും ദിവ്യകാരുണ്യ പ്രദക്ഷിണം നടക്കും. 26ന് വൈകിട്ട് 6ന് കൊല്ലം രൂപതയുടെ മുൻ ബിഷപ്പ് ഡോ. സ്റ്റാൻലി റോമൻ മുഖ്യ കാർമ്മികത്വം വഹിക്കുന്ന ദിവ്യബലി തുർന്ന് തിരുസ്വരൂപ പ്രദക്ഷിണം.

27ന് രാവിലെ നടക്കുന്ന പൊന്തിഫിക്കൽ ദിവ്യബലിക്ക് നെയ്യാറ്റിൻകര രൂപത ബിഷപ്പ് ഡോ. വിൻസെന്റ് സാമുവൽ മുഖ്യ കാർമ്മികത്വം വഹിക്കും. തുടർന്ന് പള്ളിക്ക് ചുറ്റും ആഘോഷമായ തിരുസ്വരൂപ പ്രദക്ഷിണം നടക്കും. കൊവിഡ് മാനദണ്ഡങ്ങൾ പാലിച്ചായിരിക്കും തിരുനാൾ ആഘോഷങ്ങളെന്ന് ഇടവക വികാരി ഫാ. ജോയ് മത്യാസ് പറഞ്ഞു.