തിരുവനന്തപുരം:ക്ഷീര പരിശീലന കേന്ദ്രത്തിന്റെ ആഭിമുഖ്യത്തിൽ ക്ഷീരകർഷകർക്കായി 18,19 തീയതികളിൽ 'ശുദ്ധമായ ക്ഷീരോല്പാദനം' എന്ന വിഷയത്തിൽ രണ്ട് ദിവസത്തെ ക്ലാസ് റൂം പരിശീലന പരിപാടി നടത്തും. ആദ്യം രജിസ്റ്റർ ചെയ്യുന്ന 40 പേർക്ക് അവസരം ലഭിക്കും. പരിശീലനത്തിന് എത്തുമ്പോൾ രണ്ട് ഡോസ് വാക്സിൻ സ്വീകരിച്ച സർട്ടിഫിക്കറ്റിന്റെയും ആധാർ കാർഡിന്റെയും ബാങ്ക് പാസ് ബുക്കിന്റെയും പകർപ്പുകൾ ഹാജരാക്കണം. രജിസ്‌ട്രേഷൻ ഫീസ് 20 രൂപ. ഓരോ ദിവസവും 125 രൂപ ദിനബത്തയും 100 രൂപ യാത്രാബത്തയും നൽകും. താല്പര്യമുള്ളവർ 17 ന് മുമ്പ് 0471 -2440911 എന്ന ഫോൺ നമ്പറിലോ നേരിട്ടോ രജിസ്റ്റർ ചെയ്യണം. കൂടുതൽ വിവരങ്ങൾക്ക് ക്ഷീരപരിശീലന കേന്ദ്രം, പൊട്ടക്കുഴി റോഡ്, പട്ടം പി.ഒ തിരുവനന്തപുരം -695004 വിലാസത്തിൽ ബന്ധപ്പെടാം. ഫോൺ: 0471-2440911.