തിരുവനന്തപുരം: ബീറ്റ് ഫോറസ്റ്റ് ഓഫീസർ ,ജൂനിയർ എംപ്ലോയ്‌മെന്റ് ഓഫീസർ, ഡ്രൈവർ കം ഓഫീസ് അറ്റൻഡന്റ് തുടങ്ങി 35 തസ്തികകളിലേക്ക് സംസ്ഥാന, ജില്ലാ തല, എൻ.സി.എ, സ്‌പെഷ്യൽ റിക്രൂട്ട്മെന്റ് എന്നീ വിഭാഗങ്ങളിലായി വിജ്ഞാപനം പ്രസിദ്ധീകരിക്കാൻ ഇന്നലെ നടന്ന പി.എസ്.സി യോഗം തീരുമാനിച്ചു.

 അഭിമുഖം നടത്തും

തിരുവനന്തപുരത്ത് വിദ്യാഭ്യാസ വകുപ്പിൽ ഫുൾടൈം ജൂനിയർ ലാംഗ്വേജ് ടീച്ചർ (അറബിക്) എൽ.പി.എസ്.- ഒന്നാം എൻ.സി.എ.- എൽ.സി./എ.ഐ. (കാറ്റഗറി നമ്പർ 108/2021) തസ്തികയിൽ അഭിമുഖം നടത്തും.

 സാദ്ധ്യതാപട്ടിക പ്രസിദ്ധീകരിക്കും

ഇടുക്കിയിൽ ജുഡഷ്യൽ (സിവിൽ) വകുപ്പിൽ ഡഫേദാർ (കാറ്റഗറി നമ്പർ 246/2020) തസ്‌തികയിൽ സാദ്ധ്യത പട്ടിക പ്രസിദ്ധീകരിക്കും.

 ചുരുക്കപട്ടിക പ്രസിദ്ധീകരിക്കും

വയനാട്ടിൽ വിവിധ വകുപ്പുകളിൽ സാർജന്റ്- ഒന്നാം എൻ.സി.എ.- പട്ടികജാതി (കാറ്റഗറി നമ്പർ 462/2019), കാസർഗോഡിൽ വിവിധ വകുപ്പുകളിൽ ലോവർ ഡിവിഷൻ ക്ലാർക്ക് - കന്നടയും മലയാളവും അറിയാവുന്നവർ - രണ്ടാം എൻ.സി.എ- എൽ.സി./എ.ഐ, ഹിന്ദുനാടാർ, എസ്.ഐ.യു.സി. നാടാർ (കാറ്റഗറി നമ്പർ362/2018, 363/2018, 364/2018) എന്നീ തസ്‌തികയിൽ ചുരുക്കപട്ടിക പ്രസിദ്ധീകരിക്കും