തിരുവനന്തപുരം: കൊവിഡ് സാഹചര്യത്തിൽ വീടുകളിൽ പൊങ്കാലയിടുമ്പോൾ കരുതൽ വേണമെന്ന് മന്ത്രി വീണാജോർജ്. കൊവിഡ് പ്രോട്ടോക്കോൾ പൂർണമായും പാലിക്കണം.തീയിൽ നിന്നും പുകയിൽ നിന്നും സ്വയം സുരക്ഷ നേടണം.ഗുരുതരാവസ്ഥ കുറവാണെങ്കിലും കുട്ടികളും പ്രായമായവരും മറ്റ് അസുഖങ്ങളുള്ളവരും വീട്ടിലുണ്ടെങ്കിൽ ശ്രദ്ധിക്കണമെന്നും മന്ത്രി പറഞ്ഞു.

ശ്രദ്ധിക്കേണ്ടവ ഇവ

 പുറത്ത് നിന്നുള്ളവർ വീടുകളിൽ എത്തുന്നുണ്ടെങ്കിൽ മാസ്ക് ധരിക്കുക
 പ്രായമായവരുമായും മറ്റ് അസുഖമുള്ളവരുമായും അടുത്തിടപഴകരുത്

 തൊണ്ടവേദന,മൂക്കൊലിപ്പ്, ജലദോഷം,പനി തുടങ്ങിയ അസുഖമുള്ളവർ സന്ദർശനം ഒഴിവാക്കുക
 സോപ്പ് ഉപയോഗിച്ച് കൈ കഴുകാതെ വായ്,കണ്ണ്,മൂക്ക് എന്നിവിടങ്ങളിൽ സ്‌പർശിക്കരുത്

 ചൂടുകാലമായതിനാൽ തീപിടിക്കാതിരിക്കാൻ ശ്രദ്ധ വേണം
 സാനിറ്റൈസർ തീയുടെ അടുത്ത് സൂക്ഷിക്കരുത്
 കോട്ടൺ വസ്ത്രങ്ങൾ ഉപയോഗിക്കുക

 ഇടയ്‌ക്കിടെ വെള്ളം കുടിക്കണം

 സാധനങ്ങൾ അടുപ്പിനടുത്ത് വയ്ക്കരുത്

 നിറുത്തിയിട്ട വാഹനങ്ങൾക്കടുത്ത് അടുപ്പ് കൂട്ടരുത്
 തീപ്പൊള്ളലേറ്റാൽ ആ ഭാഗം വെള്ളം ഉപയോഗിച്ച് തണുപ്പിക്കണം

 പൊള്ളലേറ്റാൽ ആ ഭാഗത്തെ വസ്ത്രം നീക്കാൻ ശ്രമിക്കരുത്

 പൊള്ളലേറ്റ ഭാഗത്ത് അനാവശ്യ ക്രീമുകൾ ഉപയോഗിക്കരുത്
 ആവശ്യമെങ്കിൽ ഡോക്ടറുടെ സേവനം തേടുക

104, 1056, ഇ സഞ്ജീവനി എന്നിവ വഴി ഡോക്ടറുടെ ഉപദേശം തേടാം