വർക്കല: 48കോടി രൂപ ചെലവ് വരുന്ന വർക്കല പാളയംകുന്ന് പാരിപ്പളളി റോഡിന്റെ പുനർനിർമ്മാണം ആരംഭിച്ചു. ഇതിന്റെ ഭാഗമായി നടയറ താജ്മഹൽ ഹാളിനു സമീപത്തെ കലുങ്കും നടയറ ജംഗ്ഷനിലെ ഓടയുടെ പണികളും മറ്റു നാല് കലുങ്കുകളുടെ പണികളും വെളളിയാഴ്ച ആരംഭിക്കും.കലുങ്കുകൾ പൊളിക്കുന്നതിന്റെ ഭാഗമായി ഇതുവഴി വാഹനഗതാഗതം നിരോധിച്ചു. പാളയംകുന്ന്,അയിരൂർ ഭാഗത്തു നിന്നും വരുന്ന വാഹനങ്ങൾ അയിരൂർ കരുനിലക്കോട് ജനതാമുക്കുവഴി വർക്കല ഭാഗത്തോക്ക് പോകേണ്ടതാണ്.വർക്കല നിന്നും പാളയംകുന്നിലേക്ക് വരുന്ന വാഹനങ്ങൾ പുന്നമൂട് ജനതാജംഗ്ഷൻ കരുനിലക്കോട് അയിരൂർ വഴിയും പോകേണ്ടതാണെന്ന് കെ ആർ എഫ് ബി അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.