തിരുവനന്തപുരം:ദേശീയ ജലപാതയുടെ നവീകരണത്തിന്റെ ഭാഗമായി പാർവതി പുത്തനാർ വീതി കൂട്ടാനായി 87.18 കോടി രൂപയുടെ പദ്ധതി കിഫ്ബി അംഗീകരിച്ചതായി മന്ത്രി ആന്റണി രാജു അറിയിച്ചു. പനത്തുറ, ഇടയാർ, മൂന്നാറ്റുമുക്ക്, പൂന്തുറ,മുട്ടത്തറ, വള്ളക്കടവ്, ചാക്ക, കരിക്കകം,വെൺപാലവട്ടം എന്നീ ഭാഗങ്ങളിൽ 19.10 ഏക്കർ സ്ഥലം ഏറ്റെടുത്താണ് വീതി കൂട്ടുന്നത്. 25 മീറ്റർ വീതിയിലാണ് പാർവതി പുത്തനാർ നവീകരിക്കുന്നത്.16.50 കിലോമീറ്റർ നീളത്തിൽ പാർവതി പുത്തനാർ നവീകരിക്കുന്നതോടെ നഗരത്തിലെ ജലഗതാഗത മേഖലയുടെയും ടൂറിസ്റ്റ് കേന്ദ്രങ്ങളുടെയും വികസനം വേഗത്തിലാകുമെന്ന് മന്ത്രി ആന്റണി രാജു പറഞ്ഞു.