തിരുവനന്തപുരം:എ.കെ.ജി സെന്ററിലെ സൗരോർജ പ്ളാന്റിന്റെ ഉദ്ഘാടനം ഇന്ന് വൈകിട്ട് നാലിന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ നിർവഹിക്കും.വൈദ്യുതി ബോർഡിന്റെ സൗര പദ്ധതിയിൽ ഉൾപ്പെടുത്തിയാണ് 30 കിലോവാട്ടിന്റെ സൗരോർജ നിലയം സ്ഥാപിച്ചിരിക്കുന്നത്. സൗരോർജ്ജ നിലയത്തിൽനിന്നും പ്രതിദിനം ശരാശരി 120 യൂണിറ്റും, പ്രതിമാസം ശരാശരി 3600 യൂണിറ്റും വൈദ്യുതി ഉത്പാദിപ്പിക്കാൻ കഴിയും. നേരത്തെ ഉപയോഗിച്ചിരുന്ന സോളാർ പ്ലാന്റ് പുതുക്കിയാണ് പരിസ്ഥിതി സൗഹൃദമായ പുനരുപയോഗ ഊർജ സ്രോതസുകളെ പരമാവധി ഉപയോഗപ്പെടുത്തുന്ന പുത്തൻ മാതൃകയിലുള്ള സൗരോർജ പ്ലാന്റ് എ.കെ.ജി സെന്ററിൽ സ്ഥാപിച്ചത്.സംസ്ഥാന സർക്കാരിന്റെ പുനരുപയോഗ ഊർജ്ജ പദ്ധതികളെ പ്രോത്സാഹിപ്പിക്കുന്ന പ്രവർത്തനങ്ങൾക്ക് ഗതിവേഗം പകരുന്നതിന് മുതൽക്കൂട്ടാകുന്നതാണ് എ.കെ.ജി സെന്ററിലെ പുതിയ സൗരോർജ പ്ലാന്റ്,വ്യവസായ വകുപ്പിന് കീഴിൽ പ്രവർത്തിക്കുന്ന സർക്കാർ അക്രഡിറ്റഡ് സ്ഥാപനമായ ഇൻകെൽ ലിമിറ്റഡാണ് സൗരോർജ നിലയം സ്ഥാപിച്ചത്.