തിരുവനന്തപുരം : സംസ്ഥാനത്ത് ഇന്നലെ 6757 പേർ കൂടി കൊവിഡ് ബാധിതരായി. 10.84ശതമാനമാണ് ടെസ്റ്റ് പോസിറ്റിവിറ്റി നിരക്ക്. 24 മണിക്കൂറിനിടെ 62,301 സാമ്പിളുകളാണ് പരിശോധിച്ചത്. എറണാകുളം 1462, തിരുവനന്തപുരം 750 എന്നിങ്ങനെയാണ് ഏറ്റവും കൂടുതൽ രോഗികളുള്ള ജില്ലകൾ. 24 മണിക്കൂറിനിടെയുണ്ടായ 16 മരണങ്ങളും കഴിഞ്ഞ ദിവസങ്ങളിലുണ്ടായ 96 മരണങ്ങളും കൂടാതെ അപ്പീൽ നൽകിയ 412 മരണങ്ങളും പട്ടികയിൽ ഉൾപ്പെടുത്തി. 50 ആരോഗ്യപ്രവർത്തകരും രോഗ ബാധിതരായി. ഇന്നലെ രോഗം സ്ഥിരീകരിച്ചവരിൽ 6314 പേർ സമ്പർക്കരോഗികളാണ്. 349 പേരുടെ ഉറവിടം വ്യക്തമല്ല. 44 പേരാണ് സംസ്ഥാനത്തിന് പുറത്ത് നിന്നും വന്നവർ. ചികിത്സയിലായിരുന്ന 17,086 പേർ രോഗമുക്തി നേടി.