തിരുവനന്തപുരം:രാജധാനി ഇൻസ്റ്റിറ്റ്യൂട്ട് ഒഫ് എൻജിനിറിംഗ് ആൻഡ് ടെക്‌നോളജിയുടെ ആഭിമുഖ്യത്തിൽ കേരള സ്റ്റാർട്ട്‌ അപ് മിഷന്റെ സഹകരണത്തോടെ സ്കൂൾ വിദ്യാർത്ഥികൾക്കായി സ്റ്റാർട്ട്‌ അപ്പ് അവയർനെസ് ആൻഡ് ലീഡർഷിപ്പ് ട്രെയിനിംഗ് എന്ന പേരിൽ പരിശീലനക്കളരി ആരംഭിച്ചു. പുതിയതായി സംരംഭങ്ങൾ ആരംഭിക്കുന്നതിനും നേതൃപാടവം വിദ്യാർത്ഥികളിൽ വളർത്തിയെടുക്കുന്നതിനുമാണ് പരിശീലന ക്ലാസുകൾ ആരംഭിച്ചത്.
ജില്ലാതല ഉദ്ഘാടനം ഞെക്കാട് ഹയർ സെക്കൻഡറി സ്കൂളിൽ സ്കൂൾ പ്രിൻസിപ്പൽ സജീവന്റെ അദ്ധ്യക്ഷതയിൽ നടന്നു. ജില്ലാപഞ്ചായത്ത് അംഗം ഗീതാ നസിർ,പി.ടി.ഐ പ്രസിഡന്റ് രാജീവ്‌,രാജധാനി എൻജിനിയറിംഗ് കോളേജിലെ കീർത്തന കൃഷ്ണ,ദീപു സജീവ് എന്നിവർ സംസാരിച്ചു.