തിരുവനന്തപുരം: ലുലു മാളിൽ നാല് ദിവസമായി നടന്ന ഫ്ളവർ ഫെസ്റ്റ് ആദ്യ എഡിഷൻ സമാപിച്ചു. ഇന്നലെ മാളിലെ ഗ്രാൻഡ് എട്രിയത്തിൽ സിനിമാ താരം പ്രിയങ്കാനായർ ഫെസ്റ്റിന്റെ സമാപന ചടങ്ങ് ഉദ്ഘാടനം ചെയ്തു.

ലുലു ഫ്ളവർ ഫെസ്റ്റ് 2022 എന്ന പേരിൽ 17നാണ് പുഷ്‌പമേള ആരംഭിച്ചത്. ഇൻഡോർ, ഔട്ട്‌ഡോർ ഗാർഡനിംഗ് താത്പര്യമുള്ളവർക്ക് ഇതിന് ആവശ്യമായ സസ്യങ്ങളുടെ സമഗ്ര ശേഖരം, അത്യപൂർവ ഇനം ഫലവൃക്ഷങ്ങളുടെ തൈകൾ, പുഷ്പങ്ങൾ എന്നിവ മേളയെ ആകർഷകമാക്കി. വൈവിദ്ധ്യം നിറഞ്ഞ പുഷ്പ ഫലസസ്യങ്ങളുടെ പ്രദർശനം കാണാനായി നിരവധി പേർ എത്തി.