തിരുവനന്തപുരം: ആറാട്ടുപുഴ, തൃക്കുന്നപ്പുഴ പ്രദേശങ്ങളിലെ കടൽഭിത്തി നിർമാണം പുരോഗമിച്ചു വരികയാണെന്ന് മന്ത്റി റോഷി അഗസ്​റ്റിൻ നിയമസഭയിൽ പറഞ്ഞു. രമേശ് ചെന്നിത്തലയുടെ സബ്മിഷന് മറുപടി പറയുകയായിരുന്നു അദ്ദേഹം.

..........................................

പതിയാങ്കരയിൽ മേഖലയി​ൽ

പതിയാങ്കര........................13 പുലിമുട്ടുകൾ

ആറാട്ടുപുഴ.......................21

വട്ടച്ചാൽ............................16

..................................

ഹരിപ്പാട് നിയോജക മണ്ഡലത്തിൽ വട്ടച്ചാലിലെ നെല്ലാനിക്കലിൽ പുലിമുട്ടുകളുടെ നിർമ്മാണത്തിനു വേണ്ടി കിഫ്ബി സാമ്പത്തിക സഹായം അനുവദിച്ചിട്ടുണ്ട്.

ആറാട്ടുപുഴ പഞ്ചായത്തിലെ 1, 16, 17, 18 വാർഡുകളിൽ ഉൾപ്പെടുന്ന ആലപ്പുഴ ബസ് സ്​റ്റാൻഡ് മുതൽ മംഗലം വരെയുള്ള മേഖലയിൽ കാർത്തിക ജംഗ്ഷൻ മുതൽ പതിയങ്കര വരെയുള്ള 2.30 കിലോ മീ​റ്റർ കടൽ തീരത്തെ കടലാക്രമണത്തിൽ നിന്ന് സംരക്ഷിക്കുന്നതിന് വേണ്ടി 341.96 കോടി രൂപയുടെ ടെന്റേ​റ്റീവ് ഡിസൈൻ പ്രകാരമുള്ള എസ്​റ്റിമേ​റ്റും ഡി.പി.ആർ, തൃക്കുന്നപ്പുഴ പഞ്ചായത്തിൽ പള്ളിപാട്ടുമുറി മുതൽ പല്ലന വരെ 2.8 കി. മീ​റ്റർ കടൽത്തീരത്തേക്ക് 750.92 കോടി രൂപയ്ക്കുമുള്ള ടെന്റെ​റ്റിവ് ഡിസൈൻ പ്രകാരമുള്ള എസ്​റ്റിമേ​റ്റ്, ഡി.പി.ആർ എന്നി​വ തയ്യാറാക്കിയിട്ടുണ്ട്.

ശേഷിക്കുന്ന പ്രദേശങ്ങളിൽ രൂക്ഷമായ കടലാക്രമണം അനുഭവപ്പെടുന്ന ആറാട്ടുപുഴ പഞ്ചായത്തിലെ പെരുമ്പള്ളിയിൽ 550 മീ​റ്റർ കടൽത്തീരത്തേക്ക് 10.61 കോടി രൂപയ്ക്കും തൃക്കുന്നപ്പുഴ പഞ്ചായത്തിൽ പതിയങ്കര മുതൽ കോട്ടമുറി വരെ 600 മീ​റ്റർ കടൽത്തീരത്തേക്ക് 11.51 കോടി രൂപയ്ക്കും തൃക്കുന്നപ്പുഴ ജംഗ്ഷനിൽ 700 മീ​റ്റർ കടൽത്തീരത്തേക്ക് 13.30 കോടി രൂപയ്ക്കും ടെന്റേ​റ്റീവ് ഡിസൈൻപ്രകാരമുള്ള എസ്​റ്റിമേ​റ്റും ഡി.പി.ആറും തയ്യാറാക്കി​യി​ട്ടുണ്ടെന്ന് മന്ത്രി​ പറഞ്ഞു.