തിരുവനന്തപുരം: ഖനനഭൂവിജ്ഞാന വകുപ്പിന്റെ നവീകരിച്ച വെബ്‌സൈറ്റിന്റെയും (www.dmg.kerala.gov.in) ഡാഷ്‌ബോർഡിന്റെയും (www.dashboard.dmg.kerala.gov.in) ഉദ്ഘാടനം മന്ത്രി പി. രാജീവ് നിർവഹിച്ചു.

ജില്ലകൾ തിരിച്ചുള്ള ക്വാറികളുടെ വിവരങ്ങളും വിവിധ ലൈസൻസുകളെ സംബന്ധിച്ചും വിവിധ അനുമതികളുടെ വിവരങ്ങളും പാസ്സുകളുടെ ലഭ്യതയും വെബ് സൈറ്റിൽ ഉൾപ്പെടുത്തിയിട്ടുണ്ട്. കേരളത്തിലെ ആകെയുള്ള 593 ക്വാറികളെ സംബന്ധിച്ച പൂർണ്ണ വിവരങ്ങളും വെബ് സൈറ്റിൽ ലഭ്യമാണ്. നാഷണൽ ഇൻഫോർമാറ്റിക്സ് സെന്ററും (എൻ ഐ സി) സെന്റർ ഫോർ ഡെവലപ്പ്‌മെന്റ് ഓഫ് ഇമേജിങ് ടെക്‌നോളജിയും (സിഡിറ്റ്) സംയുക്തമായാണ് വെബ്‌സൈറ്റ് തയ്യാറാക്കിയത്. വകുപ്പിന്റെ ഉദ്ദേശലക്ഷ്യങ്ങൾ, പ്രവർത്തനങ്ങൾ വകുപ്പ് അനുവദിക്കുന്ന ഖനനാനുമതികൾ എന്നിവയെ സംബന്ധിച്ചുള്ള വിശദവിവരങ്ങൾ വ്യവസായ സംരംഭകർക്കും പൊതുജനങ്ങൾക്കും ഇതിലൂടെ ലഭ്യമാകും.