കാട്ടാക്കട: കുരുതംകോട്‌ദേവീക്ഷേത്രത്തിൽ കുംഭഭരണി ഉത്സവത്തിന് നാളെ (26)​ ശനിയാഴ്ച കൊടിയേറും. മാർച്ച് 7നാണ് പൊങ്കാല. നാളെ രാവിലെ 7.10ന് പച്ചപ്പന്തൽ കാൽനാട്ടുകർമ്മം, 9ന് കൊടിമരഘോഷയാത്ര, വൈകുന്നേരം 6.10ന് കൊടിയേറ്റ്, കാപ്പുകെട്ട്. 27ന് രാത്രി 7.20ന് കളംകാവൽ, 28ന് വൈകിട്ട് 6.30ന് പുഷ്പാഭിഷേകം, 7ന് സാംസ്‌കാരിക സമ്മേളനം, 9ന് വിൽപ്പാട്ട്. മാർച്ച് ഒന്നിന് രാത്രി 7.20ന് കളംകാവൽ, രാത്രി 12ന് വിശേഷാൽ പൂജയും വിളക്കെഴുന്നള്ളിപ്പും. 2ന് രാവിലെ 9ന് മഹാനിവേദ്യം, വൈകിട്ട് 6ന് സായാഹ്നഭക്ഷണം, രാത്രി 9ന് ഭക്തിഗാനമേള, 3ന് രാവിലെ 9ന് നാരായണീയപാരായണം, രാത്രി 7.20ന് കളംകാവൽ, 4ന് രാത്രി 7ന് കാവ്യസന്ധ്യ. 5ന് രാത്രി 7.20ന് കളംകാവൽ, 9ന് കരോക്കെ ഗാനമേള. 6ന് വൈകിട്ട് 6ന് സായാഹ്നഭക്ഷണം, 6.30ന് പുഷ്പാഭിഷേകം, രാത്രി 9ന് കഥാപ്രസംഗവും നാടൻപാട്ടും. മാർച്ച് 7ന് രാവിലെ 9.25ന് പൊങ്കാല, 12ന് പൊങ്കാല നിവേദ്യം, വൈകിട്ട് 5.30ന് കുത്തിയോട്ടം, രാത്രി 11ന് കൊടിയിറക്ക്, ഗുരുസി, ആറാട്ട്. ഉത്സവദിവസങ്ങളിൽ രാവിലെ 5.30ന് ഗണപതിഹോമം ഉണ്ടായിരിക്കും.ക്ഷേത്രച്ചടങ്ങുകൾക്ക് തന്ത്രി അക്കിത്തമംഗലത്തുമഠം ആർ. ചന്ദ്രമോഹനരും മേൽശാന്തി ആശാരൂർ എൻ.എസ്.ഗോപകുമാർ പോറ്റിയും കാർമ്മികത്വം വഹിക്കും.