തിരുവനന്തപുരം : സംസ്ഥാനത്ത് കൊവിഡ് ചികിത്സയിലുള്ളവരുടെ എണ്ണം കുറയുന്നു. ഇന്നലെ 5499 പേർ രോഗമുക്തരായതോടെ ചികിത്സയിലുള്ളവർ മുപ്പതിനായിരത്തിൽ താഴെ എത്തി. 29,943പേരാണ് ഇനി ചികിത്സയിലുള്ളത്.

അതേസമയം ഇന്നലെ 2524 പേർ കൂടി രോഗബാധിതരായി. 7.27ശതമാനമാണ് ടെസ്റ്റ് പോസിറ്റിവിറ്റി നിരക്ക്. 24 മണിക്കൂറിനിടെ 34,680 സാമ്പിളുകളാണ് പരിശോധിച്ചത്. 24 മണിക്കൂറിനിടെയുണ്ടായ മൂന്നു മരണങ്ങളും കഴിഞ്ഞ ദിവസങ്ങളിലുണ്ടായ 13 മരണങ്ങളും കൂടാതെ അപ്പീൽ നൽകിയ 46 മരണങ്ങളും പട്ടികയിൽ ഉൾപ്പെടുത്തി. ഇന്നലെ രോഗം സ്ഥിരീകരിച്ചവരിൽ 2387 പേർ സമ്പർക്ക രോഗികളാണ്.107 പേരുടെ ഉറവിടം വ്യക്തമല്ല. എട്ടു പേരാണ് സംസ്ഥാനത്തിന് പുറത്ത് നിന്നും വന്നത്. 22 ആരോഗ്യ പ്രവർത്തകരും രോഗബാധിതരായി.