വെള്ളറട: വെള്ളറട ഡിപ്പോയിൽ നിന്ന് പുതിയതായി ആരംഭിച്ച സിറ്റി റേഡിയൽ, സിറ്റി ഷട്ടിൽ സർവീസുകളുടെ ഉദ്ഘാടനം സി.കെ. ഹരീന്ദ്രൻ ഹരീന്ദ്രൻ എം.എൽ.എ നിർവഹിച്ചു. എ.ടി.ഒ സുമേഷ് പങ്കെടുത്തു. സിറ്റി റേഡിയൽ പച്ചനിറത്തിലുള്ള ബസ് രാവിലെ 7.40ന് വെള്ളറടയിൽ നിന്ന് ധനുവച്ചപുരം നെയ്യാറ്റിൻകര, കിഴക്കേക്കോട്ട,​ ചാക്ക, ലുലുമാൾ,​ കഴക്കൂട്ടം,​ കണിയാപുരം വരെയും സർവീസ് നടത്തും. സിറ്റി ഷട്ടിൽ നീലനിറത്തിലുള്ള ബസ് രാവിലെ 7.30ന് വെള്ളറട,​ ചെമ്പൂര്,​ കാട്ടാക്കട,​ തിരുവന്തപുരം വികാസ് ഭവൻ വരെയാണ് സർവീസ് നടത്തുന്നത്. മറ്റ് സർവീസുകളുടെ സമയം ക്രമീകരിച്ചിട്ടില്ല. ഈ രണ്ട് ബസുകളിലും വിദ്യാർത്ഥികൾക്ക് കൺസെഷൻ ഉപയോഗിച്ച് യാത്ര ചെയ്യാമെന്ന് കെ.എസ്.ആർ.ടി.സി അധികൃതർ പറഞ്ഞു. ഒരു ദിവസം മൂന്ന് സർവീസുകളുണ്ടാകും.