ചെങ്ങന്നൂർ : സമുദായാംഗങ്ങൾക്ക് കേന്ദ്ര,സംസ്ഥാന സർക്കാരിൽ നിന്നുള്ള ആനുകൂല്യങ്ങൾ ലഭ്യമാക്കാൻ എസ്.എൻ.ഡി.പി യോഗം ചെങ്ങന്നൂർ യൂണിയൻ മുൻകൈ എടുക്കും. ദുരിതാശ്വാസ നിധിയിൽ നിന്നുള്ള ചികിത്സാ ധനസഹായങ്ങൾ, ഭവനനിർമ്മാണ വായ്പകൾ, പിന്നാക്ക ക്ഷേമ കോർപ്പറേഷനിൽ നിന്നുള്ള ആനുകൂല്യങ്ങൾ, പ്രവാസി പെൻഷൻ പദ്ധതിയിൽ അംഗത്വം, സർക്കാർ ഇതര സേവനങ്ങൾ എന്നിവ ലഭ്യമാക്കുന്ന രീതിയിൽ യൂണിയൻ ഓഫീസിൽ സേവനകേന്ദ്രം സജ്ജീകരിച്ചു.
1556ാം നമ്പർ കോടുകുളഞ്ഞി കരോട് ശാഖാ ആഡിറ്റോറിയത്തിൽ കൂടിയ യൂണിയൻ വെൺമണി മേഖലാ സമ്മേളനത്തിലാണ് പദ്ധതികൾ വിശദീകരിച്ചത്. യൂണിയൻ അഡ്.കമ്മറ്റി ചെയർമാൻ അനിൽ അമ്പാടിയുടെ അദ്ധ്യക്ഷതയിൽ കൂടിയ യോഗത്തിൽ യൂണിയൻ കൺവീനർ അനിൽ പി.ശ്രീരംഗം പദ്ധതി വിശദീകരിച്ചു. അഡ്.കമ്മിറ്റി അംഗങ്ങളായ ബി.ജയപ്രകാശ് തൊട്ടാവാടി, കെ.ആർ.മോഹനൻ, എം.പി.സുരേഷ്, പുന്തല ശാഖാ പ്രസിഡന്റ് വി.എൻ.സുകു, വെൺമണി ശാഖാ സെക്രട്ടറി പി.ജി.മോഹനൻ, ചെറുവല്ലൂർ ശാഖാ സെക്രട്ടറി അമ്പിളി ശശി, കൊഴുവല്ലൂർ ശാഖാ കൺവീനർ രവീന്ദ്രൻ കെ., കോടുകുളഞ്ഞി കരോട് ശാഖാ വൈസ് പ്രസിഡന്റ് രമണി കാർത്തികേയൻ, സെക്രട്ടറി ദേവദാസൻ, വനിതാസംഘം യൂണിയൻ കോഡിനേറ്റർ ശ്രീകലാസന്തോഷ്, യൂത്ത്മൂവ്‌മെന്റ് യൂണിയൻ പ്രസിഡന്റ് ദേവദാസ്, വൈസ് പ്രസിഡന്റ് ഷോൺ മോഹൻ എന്നിവർ പ്രസംഗിച്ചു. യൂണിയൻ അഡ്.കമ്മറ്റി അംഗം മോഹനൻ കൊഴുവല്ലൂർ സ്വാഗതവും കോടുകുളഞ്ഞി ശാഖാ പ്രസിഡന്റ് വി.എസ്.സജികുമാർ നന്ദിയും പറഞ്ഞു. കഴിഞ്ഞ രണ്ട് മാസത്തിനുള്ളിൽ യൂണിയൻ അതിർത്തിയിലുള്ള സമുദായാംഗങ്ങൾക്ക് ഇരുപത് ലക്ഷത്തിൽപ്പരം രൂപ മുഖ്യമന്ത്രിയുടെ ദുരിതാശ്വാസ ചികിത്സാ ധനസഹായനിധിയിൽ നിന്നും ലഭിച്ചിട്ടുണ്ടെന്ന് അനിൽ പി.ശ്രീരംഗം പറഞ്ഞു.