അമ്പലപ്പുഴ: ചമ്പക്കുളം ബ്ലോക്ക് ക്ഷീര സംഗമം തകഴി കുന്നുമ്മ ക്ഷീരസംഘത്തിന്റെ നേതൃത്വത്തിൽ മാർച്ച് 5 ന് കുന്നുമ്മ അംബേദ്ക്കർ ആഡിറ്റോറിയത്തിൽ നടക്കും. രാവിലെ 11ന് തോമസ് കെ തോമസ് എം.എൽ.എ ഉദ്ഘാടനം ചെയ്യും. ബ്ലോക്ക് പ്രസിഡന്റ് ജിൻസി ജോജി അദ്ധ്യക്ഷത വഹിക്കും. കന്നുകാലി,കന്നുകുട്ടി പ്രദർശനം, ക്ഷീര വികസന സെമിനാർ, പൊതുസമ്മേളനം എന്നിവ ഉണ്ടായിരിക്കും. മുഖ്യപ്രഭാഷണവും, ഏറ്റവും കൂടുതൽ പാൽ അളന്ന കർഷകനുള്ള അവാർഡ് ദാനവും ജില്ല പഞ്ചായത്ത് പ്രസിഡന്റ് കെ.ജി.രാജേശ്വരി നിർവഹിക്കും. ത്രിതല പഞ്ചായത്ത് പ്രതിനിധികൾ, ക്ഷീരവികസന വകുപ്പ് ,മൃഗസംരംക്ഷണ വകുപ്പ് ,മിൽമ ഉദ്യോഗസ്ഥർ തുടങ്ങിയവർ പങ്കെടുക്കും. ക്ഷീര വികസന വകുപ്പിന്റെ എഫ്.എസ്.എസ്.എ ധനസഹായ വിതരണം ജില്ല ഡെപ്യൂട്ടി ഡയറക്ടർ ആർ.രശ്മി നിർവഹിക്കും.