ചേർത്തല: വനിതാ ദിനത്തിൽ വിനോദസഞ്ചാര കേന്ദ്രമായ വണ്ടർലായിലേക്ക് ചേർത്തല കെ.എസ്.ആർ.ടി.സി ഡിപ്പോയിൽ നിന്ന് നടത്തിയ പ്രത്യേക സർവീസ് ഹി​റ്റായി.
4 സൂപ്പർ ഫാസ്​റ്റ് ബസിലായി 185 വനിതകളാണ് യാത്ര ചെയ്തത്. ടൂർ കോർഡിനേ​റ്റർമാരായി 4 വനിതാ കണ്ടക്ടർമാരുണ്ടായിരുന്നു.ഡ്രൈവർമാർ മാത്രമാണ് പുരുഷൻമാരായി ഉണ്ടായിരുന്നത്.
രാവിലെ 8.15ന് യാത്ര തുടങ്ങി പത്തോടെ വണ്ടർലായിൽ എത്തി. വൈകിട്ട് ആറോടെ തിരിച്ചെത്തി.
525 രൂപ വണ്ടർലായിലെ ടിക്ക​റ്റ് നിരക്കും 300 രൂപ യാത്രാനിരക്കുമായി 825 രൂപയായിരുന്നു ഒരാളുടെ നിരക്ക്.
വണ്ടർലാ യാത്ര ഹി​റ്റായതോടെ കൂടുതൽ വിനോദ സഞ്ചാര കേന്ദ്രങ്ങളിലേക്കുള്ള പാക്കേജ് സർവീസ് കെ.എസ്.ആർ.ടി.സി ആസൂത്രണം ചെയ്യുന്നുണ്ട്. മൂന്നാർ,ഭൂതത്താൻകെട്ട് എന്നിവിടങ്ങളിലേക്ക് ഞായറാഴ്ചകളിൽ ആദ്യഘട്ട സർവീസ് നടത്തുന്നതിനാണ് ആലോചന.