ആലപ്പുഴ: കെ.എസ്.ആർ.ടി.സി ആലപ്പുഴ ഡിപ്പോയിൽ നിന്ന് നെടുമ്പാശ്ശേരി ഇന്റർനാഷണൽ എയർപോർട്ടിലേക്ക് നാളെ മുതൽ എ.സി ലോ ഫ്‌ളോർ ബസ് സർവ്വീസ് ആരംഭിക്കും. ചേർത്തല, അരൂർ, കുമ്പളം, വൈറ്റില, ആലുവ വഴി ലിമിറ്റഡ് സ്റ്റോപ്പ് ഓർഡിനറിയായിട്ടാകും സർവ്വീസ് നടത്തുക. രാവിലെ 7.30 നും ഉച്ചയ്ക്ക് 2.10 നും ആലപ്പുഴയിൽ നിന്നും എയർപോർട്ടിലേക്കും 10.40 നും വൈകിട്ട് 5.20 നും എയർപോർട്ടിൽ നിന്ന് ആലപ്പുഴയിലേക്കും സർവ്വീസുണ്ടാകും.