കായംകുളം: പുല്ലുകുളങ്ങര ശ്രീപത്മനാഭ ലൈബ്രറിയുടെ ആഭിമുഖ്യത്തിൽ ലോക വനിതാ ദിനാചരണത്തോടനുബന്ധിച്ച് മുതിർന്ന അദ്ധ്യാപിക കണ്ടല്ലൂർ തെക്ക് കൈതപ്പുഴ വീട്ടിൽ കെ.എസ്. കുഞ്ഞമ്മയെ ആദരിച്ചു.

കാർത്തികപ്പള്ളി താലൂക്ക് ലൈബ്രറി കൗൺസിൽ പ്രസിഡന്റ് ജി.സന്തോഷ് കുമാർ ചടങ്ങ് ഉദ്ഘാടനം ചെയ്തു. ലൈബ്രറി സെക്രട്ടറി ഡോ.പി.രാജേന്ദ്രൻ നായർ അദ്ധ്യക്ഷത വഹിച്ചു. വി.ചന്ദ്രമോഹനൻ നായർ, പ്രൊഫ.എം.രാധാകൃഷ്ണകാർണവർ, .എസ്.ശുഭാദേവി, ജി.രമാദേവി, കെ.ജയ വിക്രമൻ, .കെ.ഹരികുമാർ ,ഉഷശ്രീ, കെ.പ്രസന്നൻ, എസ്.അനിതകുമാരി എന്നിവർ സംസാരി​ച്ചു.