മാവേലിക്കര: ഭരതനാട്യത്തിലും കുച്ചിപ്പുടിയിലും നാടോടി നൃത്തത്തിലുമടക്കം ഏഴ് വർഷത്തോളമായി വിദ്യാനികേതൻ സംസ്ഥാന കലോത്സവ വേദികളിൽ നിറഞ്ഞാടിയ മാളവിക ഏഷ്യൻ ബുക്ക് ഒഫ് റെക്കാഡ്സിൽ ഇടംനേടി. നാട്ടുകുറിഞ്ഞി രാഗത്തിൽ ഭരതനാട്യം വർണത്തിൽ ആടിത്തിമിർത്താണ് എട്ടാം ക്ലാസുകാരി മാളവിക ആയിരത്തിയൊന്ന് കുട്ടികൾക്കൊപ്പം റെക്കാഡ് നേട്ടം കൈവരിച്ചത്.
മാവേലിക്കര ചെട്ടികുളങ്ങര ശ്രീപാദത്തിൽ ശ്രീകുമാർ, മഞ്ജു ദമ്പതികളുടെ മൂത്ത മകളാണ് മാളവിക . മൂന്നര വയസിൽ മാവേലിക്കര കണ്ടിയൂർ ഭരതന്റെ ശിക്ഷണത്തിൽ ആരംഭിച്ച നൃത്ത പഠനം ഇപ്പോഴും തുടരുന്നു. മാവേലിക്കര വിദ്യാധിരാജ വിദ്യാപീഠം സെൻട്രൽ സ്‌കൂളിലെ എട്ടാം ക്ലാസ് വിദ്യാർത്ഥിയാണ് .