ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയൻ പരിധിയിലുള്ള ശാഖാ അംഗങ്ങൾക്കായി ഗുരുധർമ്മം, ഗുരുദേവകൃതികൾ, ഗുരുദേവ ദർശനങ്ങളെകുറിച്ച് പഠനം നടത്തുന്നതിനായി ക്ലാസുകൾ ആരംഭിക്കുന്നു. ആചാര്യൻ വിശ്വപ്രകാശം വിജയാനന്ദ് ക്ലാസുകൾ നയിക്കും. ഒരുവർഷം നീണ്ടുനിൽക്കുന്ന പഠനക്ലാസുകൾ എല്ലാ മാസവും രണ്ടാം ഞായറാഴ്ചയും നാലാം ഞായറാഴ്ചകളിലും രാവിലെ 9.30 മുതൽ യൂണിയൻ ഓഫീസ്‌നോട് ചേർന്നുള്ള സരസകവിമൂലൂർ ഹാളിൽ വെച്ച് നടത്തുമെന്ന് യൂണിയൻ ചെയർമാൻ അനിൽ അമ്പാടിയും കൺവീനർ അനിൽ പി. ശ്രീരംഗവും പറഞ്ഞു.പിരളശേരി 4745-ാം നമ്പർ ശാഖാ ഹാളിൽ കൂടിയ ചെങ്ങന്നൂർ മേഖലാ യോഗത്തിൽ യൂണിയൻ ചെയർമാൻ അനിൽ അമ്പാടിയുടെ അദ്ധ്യക്ഷത വഹിച്ചു. കൺവീനർ അനിൽ പി. ശ്രീരംഗം യൂണിയൻ നടപ്പിലാക്കുന്ന വിവധ പദ്ധതികൾ വിശദീകരിച്ചു. യൂണിയൻ അഡ്.കമ്മറ്റി അംഗങ്ങളായ കെ.ആർ.മോഹനൻ, ബി.ജയപ്രകാശ് തൊട്ടാവാടി, മോഹനൻ കൊഴുവല്ലൂർ, അനിൽ കണ്ണാടി, പിരളശ്ശേരി ശാഖാ പ്രസിഡന്റ് സുമതി കെ.എൻ., ചെങ്ങന്നൂർ ടൗൺ ശാഖാ സെക്രട്ടറി സിന്ധു എസ്.മുരളി, വാഴാർമംഗലം സെക്രട്ടറി വത്സലാമോഹൻ, പേരിശേരി സെക്രട്ടറി പി.കെ.രവീന്ദ്രൻ, ചെങ്ങന്നൂർ സൗത്ത് ശാഖാ വൈസ് പ്രസിഡന്റ് സി.സുനിൽ , മുണ്ടൻകാവ് ശാഖാ കൺവീനർ ശോഭനാ രാജേന്ദ്രൻ എന്നിവർ സംസാരിച്ചു.യൂണിയൻ അഡ്.കമ്മറ്റി അംഗം എസ്.ദേവരാജൻ സ്വാഗതവും പിരളശേരി ശാഖാ സെക്രട്ടറി ഡി.ഷാജി നന്ദി പറഞ്ഞു. പെരിങ്ങാലാ മേഖലായോഗം ഇന്ന് വൈകിട്ട് 3 ന് പെരിങ്ങാല നോർത്ത് 2801ാം നമ്പർ ശാഖാ ഹാളിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു.