ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ, യൂണിയൻ സംസ്ഥാന പ്രവാസി കേരളീയകാര്യ വകുപ്പ് നടത്തുന്ന പ്രവാസിപെൻഷൻ ഉൾപ്പെടെയുള്ള വിവിധ പദ്ധതികളിൽ യൂണിയൻ അതിർത്തിയിലുള്ള സമുദായ അംഗങ്ങൾക്ക് ആനുകൂല്യങ്ങൾ ലഭ്യമാക്കുവാൻ സഹായമൊരുക്കുന്നു.
വിദേശ രാജ്യങ്ങളിലും അന്യസംസ്ഥാനങ്ങളിലും ജോലി ചെയ്ത് നാട്ടിൽ തിരികെ വന്നവർക്കും നിലവിൽ വിദേശ രാജ്യങ്ങളിലും അന്യസംസ്ഥാനങ്ങളിലും ജോലി നോക്കുന്നവരുമായ സമുദായ അംഗങ്ങൾക്ക് പ്രവാസി പെൻഷൻ ഉൾപ്പെടെയുള്ള വിവിധ ആനുകൂല്യങ്ങൾ ലഭ്യമാക്കുന്നതിനുള്ള സൗകര്യം ചെങ്ങന്നൂർ യൂണിയനിൽ സജ്ജമാക്കിയിട്ടുണ്ടെന്ന് യൂണിയൻ ചെയർമാൻ അനിൽ അമ്പാടിയും കൺവീനർ അനിൽ പി.ശ്രീരംഗവും അറിയിച്ചു. 2801ാം നമ്പർ പെരിങ്ങാല നോർത്ത് ശാഖയിൽ കൂടിയ പെരിങ്ങാല മേഖലാ സമ്മേളനത്തിലാണ് ഇതറിയിച്ചത്.
യൂണിയൻ ചെയർമാൻ അനിൽ അമ്പാടിയുടെ അദ്ധ്യക്ഷതയിൽ കൂടിയ മേഖലാ യോഗത്തിൽ കൺവീനർ അനിൽ പി.ശ്രീരംഗം വിവിധ പദ്ധതികൾ വിശദീകരിച്ചു. യൂണിയൻ അഡ്.കമ്മി​റ്റി അംഗങ്ങളായ കെ.ആർ.മോഹനൻ, എസ്.ദേവരാജൻ, മോഹനൻ കൊഴുവല്ലൂർ, പെരിങ്ങാലാ ശാഖാ പ്രസിഡന്റ് ശിവരാമൻ പി.എ., അരീക്കര സെക്രട്ടറി ചന്ദ്രപ്രഭ, പെണ്ണുക്കര ശാഖാ പ്രസിഡന്റ് കെ.കെ.രാജു, പെരിങ്ങാല നോർത്ത് ശാഖാ വൈസ് പ്രസിഡന്റ് സുനിൽ വി.എസ്., പാറപ്പാട് ശാഖാ പ്രസിഡന്റ് അഡ്വ.കെ.വി.ജയപ്രകാശ്, അരീക്കര ശാഖാ പ്രസിഡന്റ് എം.എൻ.ചന്ദ്രൻ, വനിതാസംഘം യൂണിയൻ സെക്രട്ടറി റീന അനിൽ എന്നിവർ സംസാരി​ച്ചു. യൂണിയൻ അഡ്.കമ്മി​റ്റി അംഗം ബി.ജയപ്രകാശ് തൊട്ടാവാടി സ്വാഗതവും പെരിങ്ങാല നോർത്ത് ശാഖാ സെക്രട്ടറി സുധാ വിജയൻ നന്ദിയും പറഞ്ഞു.
ഇന്ന് വൈകിട്ട് 3.00 മണിക്ക് ചെറിയനാട് മേഖലായോഗം 70ാം നമ്പർ ഇടവങ്കാട് ശാഖാ ഹാളിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു.