മാവേലിക്കര : കുറത്തികാട് മാലിമേൽ ഭഗവതീ ക്ഷേത്രത്തിലെ രേവതിതിരുനാൾ മഹോത്സവം ഏപ്രിൽ 2ന് നടക്കും. രാവിലെ 6ന് ഗണപതിഹവനം, 8.30 മുതൽ തന്ത്രി അക്കീരമൻ കാളിദാസ ഭട്ടതിരിയുടെ മുഖ്യ കാർമ്മികത്വത്തിൽ കലശാഭിഷേകം, 10 മുതൽ വഴിപാട് പറ സമർപ്പണം, വൈകിട്ട് 4ന് കുഴിക്കാലക്കോട്ട ക്ഷേത്രത്തിൽ നിന്നും നൂറ്റൊന്നുകലം ഘോഷയാത്ര, 7.30ന് സേവ, 9.30 മുതൽ എതിരേൽപ്പ്‌ എന്നിവ നടക്കും. രേവതി തിരുനാൾ മഹോത്സവത്തോടനുബന്ധിച്ച്‌ 29ന് രാവിലെ 7 മുതൽ അഖണ്ഡനാമ ജപയജ്ഞം നടക്കും.30, 31, ഏപ്രിൽ 1 തീയതികളിൽ ക്ഷേത്രത്തിൽ തിരുമുമ്പിൽ പറസമർപ്പണവും ദേവീ ഭാഗവതപാരായണവും നടക്കും.