കായംകുളം: എസ്.എൻ.ഡി.പി യോഗം കായംകുളം യൂണിയനിലെ 6163ാം നമ്പർ ശ്രീനാരായണ ഗുരുകുലം ശാഖയിൽ സംഘടിപ്പിക്കുന്ന ശ്രീനാരായണ ദിവ്യപ്രബോധനവും ധ്യാനവും തുടങ്ങി ഏപ്രിൽ 1 ന് സമാപിക്കും.

ധ്യാനാചാര്യൻ ശിവഗിരി മഠാധിപതി സ്വാമി സച്ചിതാനന്ദയെ ശാഖാ ഭാരവാഹികൾ പൂർണ്ണകുംഭം നൽകി സ്വീകരിച്ചു. ശ്രീനാരായണ ദിവ്യപ്രബോധന വിളംബരഘോഷയാത്രയ്ക്ക് മുന്നോടിയായി യൂണിയൻ സെക്രട്ടറി പി. പിദീപ് ലാൽ ദിവ്യജ്യോതി ഏറ്റുവാങ്ങി.യൂണിയൻ പ്രസിഡന്റ് വി. ചന്ദ്രദാസ് അദ്ധ്യക്ഷത വഹിച്ചു.

ഇന്ന് രാവിലെ 8ന് ശാന്തിഹോമം, 9 ന് ഗുരുദേവകൃതികളുടെ പാരായണം, 9.45ന് ഗുരുധർമ്മപ്രബോധനം സ്വാമി അസ്പർശാനന്ദ നിർവ്വഹിക്കും. 11.30 ന് സ്വാമി സച്ചിതാനന്ദ നയിക്കുന്ന ദിവ്യപ്രബോധനം. പരിത്യാഗിയായ ഗുരുദേവൻ എന്നതാണ് വിഷയം . 2.45ന് ഗുരുധർമ്മ പ്രബോധനം. സ്വാമി ധർമ്മ ചൈതന്യ നയിക്കും. വൈകിട്ട് 4ന് സ്വാമി സച്ചിതാനന്ദയുടെ ദിവ്യപ്രബോധനം. 6 ന് ദിവ്യപ്രബോധനം. വിഷയം: ഗുരുദേവന്റെ സർവ്വമത സമന്വയം. രാത്രി 8.15ന് മോഹിനിയാട്ടം,8.30-ന് ശ്രീഭദ്രാഭവാനി ഡാൻസ് ഗ്രൂപ്പിന്റെ നൃത്തപരിപാടി. ഏപ്രിൽ 1ന് രാവിലെ 9 ന് ഗുരുദേവകൃതികളുടെ പാരായണം. 9.30ന് ദിവ്യജ്യോതിദർശനം. 11.30ന് സ്വാമി സച്ചിതാനന്ദയുടെ ദിവ്യപ്രബോധനം. വിഷയം :ഗുരുദേവന്റെ അവധൂതചര്യ. ഉച്ചയ്ക്ക് ഒന്നിന് ഗുരുപൂജ.2.30 ന് ഗുരുദേവന്റെ ഈശ്വരസാക്ഷാത്കാരം ഗുരുദേവ തത്വദർശനം എന്ന വിഷയത്തിൽ സ്വാമി സച്ചിതാനന്ദയുടെ ദിവ്യപ്രബോധനം വൈകിട്ട് 4 ന് ഗുരുധർമ്മ പ്രബോധനം സ്വാമി വിശാലാനന്ദ നയിക്കും. 7 ന് ഗുരുദേവന്റെ ലോകസംഗ്രഹം,. യോഗവും ശിവമഠവും സംസ്ഥാപനവും, ഗുരുവിന്റെ മഹാസമാധി എന്നീ വിഷയങ്ങളിൽ ദിവ്യപ്രബോധനവും ധ്യാനവും. രാത്രി 9 ന് തിരുവാതിര എന്നിവ നടക്കും.