ആലുവ: എസ്.എൻ.ഡി.പി യോഗം എടയപ്പുറം ശാഖവക കോലാട്ടുകാവ് ഭഗവതി ക്ഷേത്രത്തിലെ കുംഭഭരണി മഹോത്സവത്തിന് ഇന്ന് കൊടിയേറും. മാർച്ച് ഏഴിനാണ് സമാപനം. 14ന് പ്രതിഷ്ഠാദിന മഹോത്സവവും നടക്കുമെന്ന് ശാഖാ ഭാരവാഹികൾ അറിയിച്ചു.

ഇന്ന് രാവിലെ ഗണപതി ഭഗവാന് ഗോളക സമർപ്പണം, പ്രദക്ഷിണവീഥി തിരുമുറ്റം മഹാസമർപ്പണപൂജ എന്നിവ നടക്കും. വൈകിട്ട് 4.30ന് കൊടി, കൊടിക്കയർ സമർപ്പണം, 6.30ന് ദീപാരാധനയ്ക്കുശേഷം പ്രദക്ഷിണവീഥി, തിരുമുറ്റം സമർപ്പണം അദ്വൈതാശ്രമം സെക്രട്ടറി സ്വാമി ധർമ്മചൈതന്യ നിർവഹിക്കും. 6.45നും 7.15നും മദ്ധ്യേ ക്ഷേത്രം തന്ത്രി ആമ്പല്ലൂർ പുരുഷൻ, മേൽശാന്തി ശ്രീജിത്ത് മോഹനൻ എന്നിവരുടെ മുഖ്യകാർമ്മികത്വത്തിൽ തൃക്കൊടിയേറ്റ്. മാർച്ച് അഞ്ചിന് വൈകിട്ട് 6.30ന് ഗണപതിക്ക് അപ്പംമൂടൽ, ഏഴിന് ദീപാരാധനയ്ക്കുശേഷം തിരിപിടി​ത്തം, മാർച്ച് ആറിന് രാത്രി ഒമ്പതിന് കളമെഴുത്തും പാട്ടും എന്നിവ നടക്കും.

ഏഴിന് രാവിലെ ഏഴിന് സംഗീതാർച്ചന, 11.30ന് പ്രസാദംഊട്ട്, വൈകിട്ട് അഞ്ചിന് ക്ഷേത്രാങ്കണത്തിൽ പകൽപ്പൂരം, ഒമ്പതിന് ക്ഷേത്രാങ്കണത്തിൽ താലമെഴുന്നള്ളിപ്പ്, ആറാട്ടുബലി, കൊടിയിറക്കൽ. 14ന് പ്രതിഷ്ഠാദിനത്തിൽ ഇളനീർനീരാട്ടും പാലഭിഷേകവും നടക്കും. വൈകിട്ട് ഏഴിന് മുൻശാഖാ ഭാരവാഹികളെ ആദരിക്കും.