മരട്: മരട് നഗരസഭ 2022 - 23 സാമ്പത്തിക വർഷത്തെ ബഡ്‌ജറ്റ് അവതരണത്തിനു മുന്നോടിയായി മരട് നഗരസഭാ നിവാസികളിൽ നിന്ന് നിർദ്ദേശങ്ങൾ സ്വീകരിക്കുന്നതിനായി വിവിധയിടങ്ങളിൽ ബോക്സുകൾ സ്ഥാപിച്ചു. മരട് നഗരസഭാ കാര്യാലയം, മരട് സർവീസ് സഹകരണ ബാങ്കിന്റെ പുതിയ കെട്ടിടം, നെട്ടൂരിലെ മരട് വില്ലേജ് ഓഫീസ് എന്നിവിടങ്ങളിലാണ് ബോക്സുകൾ സ്ഥാപിച്ചത്. മാർച്ച് 10 വരെ നിർദ്ദേശങ്ങൾ ബോക്സിൽ നിക്ഷേപിക്കാം. നഗരസഭാ ചെയർമാൻ ആന്റണി ആശാൻപറമ്പിൽ ഉദ്ഘാടനം നിർവഹിച്ചു. വൈസ് ചെയർപേഴ്സൺ അഡ്വ. രശ്മി സനിൽ അദ്ധ്യഷത വഹിച്ചു. സ്റ്റാൻഡിംഗ് കമ്മിറ്റി ചെയർമാന്മാരായ പി.ഡി. രാജേഷ്, അജിത നന്ദകുമാർ, കൗൺസിലർമാരായ സീമചന്ദ്രൻ, പത്മപ്രിയ എന്നിവർ സംസാരിച്ചു.